Home Economia Prijsnan di cuminda y catering a cay na luna di Mei 2020

Prijsnan di cuminda y catering a cay na luna di Mei 2020

78
0
SHARE
- Advertisement -

ORANJESTAD (AAN):  E siman aki, Oficina Central di Estadistica a mustra cu segun nan investigacion, e indice di “Cuminda y servicio di catering” a registra un caida di 0.6% na Mei 2020, despues di un subida di 0.4% na April 2020

   E indice di “Cuminda na cas” (-0.8%) a registra un caida, unda 8 di e diesun indicenan di e gruponan di cuminda na cas a baha na Mei 2020.

   E indice di “Lechi, keshi y webo” a conoce e caida di mas grandi (-2.5%) na Mei 2020. E indicenan di “Pisca y otro cuminda di lama” (-2.2%), “Fruta” (-1.8%) y “Sucu, jam y otro tipo di cos dushi” (-1.4%) tambe a registra caida.

   E indice di “Batata, yuca y batata dushi” a conoce e subida di mas grandi (4.5%) na Mei 2020.

   Den e ultimo 12 lunanan e indice di “Cuminda & servicio di catering” a subi cu 1.5%. E indice di “Cuminda na cas” a conoce un subida di 0.9%. E indice di “Restante productonan pa alimentacion” a subi cu 6.3%, e subida di mas grandi entre e gruponan di cuminda na cas, mientras cu e indice di “Batata, yuca y batata dushi” a baha cu 13.2%, e caida di mas grandi entre e gruponan di cuminda na cas.

    E indice di “Cuminda pafo di cas” a subi cu 0.2% na Mei 2020 y a registra un subida di 3.2% den e ultimo diesdos lunanan.

   Na Mei 2020, “Cuminda na cas” y “Cuminda pafo di cas” como grupo, tabata tin un caida di prijs di 0.6% compara cu April 2020 y hunto tabata tin un influencia di -0.14 ppt riba e CPI, mientras cu e restante bienes y servicio hunto a experencia un caida di prijs di 0.8% y tabata tin un efecto di -0.58 ppt riba e CPI.

- Advertisement -

DUNA COMENTARIO

Please enter your comment!
Please enter your name here