Home Politica POR a exigi retiro mesora di nan mesun Ministro Marisol Lopez-Tromp

POR a exigi retiro mesora di nan mesun Ministro Marisol Lopez-Tromp

1294
0
SHARE
- Advertisement -

ORANJESTAD (AAN): E tabata un Diabierna mainta cu a sacudi henter gobernacion di e isla.  Tur esey a bin despues cu durante un reunion di Partijraad di Partido POR teni Diahuebs anochi na nan sede na Dakota, a tuma decision cu nan no tin confianza mas den nan propio Ministro di Infrastructura drs. Marisol Lopez-Tromp.

  Esaki a wordo confirma Diabierna mainta un poco despues di 11:00 am, ora cu Ministro Andin Bikker, pero papiando cu e petchi di directiva di POR, a mustra cu nan a perde confianza den nan mesun Ministro Marisol Lopez-Tromp.  Tabata presente e momento ey tambe Parlamentario Allan Howell y tambe Parlamentario Dellanire Maduro.

   Bikker a splica cu desde 1997 cu el a drenta den politica, na diferente ocasion el a tuma e rol di ‘mediador’ na cualkier momento cu tabatin diferencia di opinion cerca hendenan.  El a describi su mes como un persona trankil cu semper ta busca un solucion ora cu tin conflicto, pa asina haya un reconciliacion.

   Sinembargo desde cu Partido POR a apunta Marisol Lopez-Tromp como Ministro di Infrastructura, nan a ripara cu el a scohe pa ta individualista, no tin comunicacion cu partido, ni fraccion, y Bikker como persona cu ta cera paz, a haci hopi esfuerzo pa mehora e comunicacion cu partido, cu fraccion, y recorda Ministro cu ta biba den un democracia Parlamentario unda ta poni den Constitucion cu esaki ta basa riba confianza.

   No obstante esaki, Partido POR no a haya atencion di Ministro, y ni pa cuanto reunion a yame, e no tabata acudi.

   Bikker a bisa con a prepara reunion cune riba Diasabra cu a pasa, pero Ministro no tabata por.  Tambe a prepara reunion pa Diadomingo, pero ey tampoco e no tabata por.  Tambe a prepara un reunion riba Dialuna cu Fraccion di POR den Parlamento.  Nan a keda warde pa casi 1 ora y mey, pero e no a show up.  Esnan di Fraccion a perde nan tempo ta warda.  Pero despues nan a mira con el a manda un potret di dje sinta den un supuesto ‘meeting’ cu Departamento.   Siendo cu POR ta haya cu nan reunion tabata hopi importante.

   Bikker a mustra cu tanto el, como tambe lider Otmar Oduber di POR, y Ministro Marisol Lopez-Tromp a bay scol (Colegio Arubano) hunto, tambe Bikker a splica cu el a studia tambe hunto cu Ministro Lopez-Tromp na Hulanda.  Pues nan amistad ta basta cercano, y el a haci su maximo esfuerzo pa haya Ministro pa acudi na reunion.

   Pero Diahuebs durante Partijdraad, a tuma e mandato pa mustra cu nan ta expresa nan desconfianza den Ministro.

   Bikker e momento ey a lesa e contenido di e carta cu ta bisa cu debi cu Ministro Marisol Lopez-Tromp ta tumando decisionnan unilateral, y tambe pone futuro di trahadornan y existencia di Serlimar SG den incertidumbre, nan ta exigi di dje pa e entrega bek e cartera di Ministro cu deadline Dialuna 8 di Juni 2020 pa 10:00 am.

- Advertisement -

DUNA COMENTARIO

Please enter your comment!
Please enter your name here