Home Policial Polisnan a tene walkout disgusta pa declaracion di Sindicato di Enfermeronan

Polisnan a tene walkout disgusta pa declaracion di Sindicato di Enfermeronan

565
1
SHARE
- Advertisement -

Polis tambe ta frontliner cu ta confronta peligro di dia y anochi

ORANJESTAD (AAN): E reaccion di tur miembro di Sindicato SPA tabata uno decidido riba Diasabra anochi!  Nan tur a respalda nan organizacion, y pa 10:00 pm exactamente nan a pone trabao abao, y a tene un Walk Out na cada Warda di Polis.

   Esaki a socede pa un periodo di 2 ora, y e ta pa expresa nan malcontento awor cu nan a bin haya sa cu no ta tur ‘Frontliner’ a haci sacrificio durante e situacion di crisis aki.

   Polisnan a haya sa di esaki, ora cu e Sindicalista Gina Maduro di ABV (Sindicato di Enfermeronan) a blof riba e asunto aki.

   Polisnan a tene un Walk Out pa protesta cu nan como frontliners cu a traha duro durante periodo di Toque de Queda y Shelter-in-Place na Aruba, a entrega parti di nan salario.

  Y awor danki na e blofmento di Sindicato ABV, nan a bin haya sa cu trahadornan di Hospital si a cobra full nan salario, y tambe full nan Vakantie uitkering.  Esaki ta un pildora cu nan no ta guli facilmente, pasobra Gobierno a bin ta boga pa tur hende haci sacrificio, y cu ley mester ta igual pa tur hende.

   REACCION MIXTO:

   Mesora por a nota den pueblo, un reaccion bastante mixto riba e asunto aki.  Hopi ta esnan cu a respalda e accion di Walk Out di Polisnan.  Toch tin otro cu ta haye un acto di egoismo, pasobra tin di corda cu tin como 37.000 hende sin trabao aworaki riba e isla, y e grupo ey nunca a tene ningun protesta.  Ta net esnan cu keto bay tin salario basta confortable ta protestando.

  Tin persona cu a reacciona, mustrando cu na Aruba tin hopi frontliners cu a sacrifica nan salario, y cu tur hende mester ta solidario den e crisis aki y corda cu Gobierno no tin placa aworaki pa atende tur asunto.

   Pero hasta esnan trahando den Enfermeria a reacciona, mustrando cu nan tambe a keda traha y lucha direct y na forma peligroso ta atende pashentnan contagia cu Covid-19.  Enfermeronan tambe a traha oranan largo, y sin cobra Overtime.  Mientras cu Polisnan si a cobra Overtime sin misericordia.

   Enfermeronan tambe a enfrenta e pandemia di Covid-19 di cerca, y no a subi caya protesta.  Pues Enfermeronan ta asombra cu Polis a dicidi na subi caya net durante e crisis aki.

   SINDICATO SPA:

   Mientras tanto Jose Dirks di Sindicato SPA a bisa cu hopi Polis ta malcontento y disgusta, pasobra durante comienzo di crisis, Polisnan si a pone nan bida na peligro riba caya, y tambe awor cu atraco, y cuanto hende tin cu arma di candela riba caya.  Y awor a bin nota cu Gina Maduro di ABV ta blof cu enfermeronan si ta pone nan bida na peligro.

   “Anto bo ta bisa cu bosonan so ta pone boso bida na peligro, ta kico nos ta anto, ta carton nos ta?” ta loke Jose Dirks di SPA a reacciona bisando.

   Ban ta serio si!  Esey a sali den super mal tera cerca Polisnan.  Nos no ta acepta e tipo di comentario aki.  Awor mas cu nunca nos no ta acepta cu Gobierno ta djis yega tuma medida riba nos sin consulta cu Polisnan.  Anto e grupito cu ta aanhanger di Gobierno ta haya nada di medida.

Pesey awor e Polisnan a dicidi mesora cu accion di 2 ora.  Durante siman lo bay tende mas di miembronan ki tipo di accion mas nan kier.

   Mundialmente Polis tambe ta frontliners.  Mundialmente ora tin crisis, no ta mishi cu salario di Polis pasobra nan ta frontliners y haya ta ricibi extra toelage.  Pero na Aruba si nan a mishi cu salario di Polis, y exigi mas di nan tambe.

 

- Advertisement -

1 COMMENT

  1. So arresting people for going to the garbage bin 1 minute after and giving penalties to the people that have no more income. They call that hard working then something seriously is wrong with these officers. Gastapo time is far overdue, time to be human again. Maybe it helps by giving them Afl. 950 a month for 3 months then maybe they will understand how it feels.

DUNA COMENTARIO

Please enter your comment!
Please enter your name here