Home General Polis di Suriname a detene muher cu a bati su yiu muher...

Polis di Suriname a detene muher cu a bati su yiu muher na forma barbarico

372
0
SHARE
- Advertisement -

ORANJESTAD (AAN): Un caso reporta a worde atendi debidamente door di Polis na Zanderij na Suriname, esta un caso di maltrato mahos di un criatura.

   Awor un muher identifica como “Saskia” di 31 aña di edad, tin di bay duna cuenta di loke el a haci cu un  mucha.

   Tur cos a cuminza ora cu riba Social Media, un video a cuminza circula unda bo ta mira con un muher ta bati y maltrata su yiu muher di 10 aña na un forma barbarico.  Anto e mucha ta mara na man cu pia.  E video a bira viral.

   E ruman homber di Saskia tambe a mira e video, y e tabata den shock!  El a reconoce e muher den e video ey como su ruman Saskia.  Pesey el a tuma e paso corecto y a bay revela na Polis di Zanderij cu e muher riba e video ta su ruman muher Saskia K.

   Polis di Zanderij inmediatamente a tuma medida y nan a detene Saskia riba Diabierna mainta na su cas.  Mientras cu Departamentonan concerni a core atende e criatura di 10 aña di edad.  Prensa di Suriname ta revela cu e mucha a worde samina pa docter y un rapport lo wordo traha.

   E investigacion preliminar di Polis ta mustra cu Saskia lo a rabia y duna su yiu muher un sota barbarico, djis pasobra e mucha a bise cu e stima su tata mas.  Saskia no a gusta cu su yiu stima su ex-pareha mas, y pesey a dicidi di dune un sota asina, y a laga un hende para banda di nan pa grabe riba un smartphone.

   Despues di a caba di duna e mucha e sota, el a dicidi na manda e video pa su ex-pareha djis pa dune dolor.  Pero e tata a dicidi na pone e video online.  Awor ta henter Suriname tin odio riba Saskia.  Ministerio Publico tin di dicidi ainda si acaso ta prolonga detencion di e muher.

    Riba e potret por mira un parti di e imagen di video unda e mucha muher ta drumi abao cu man y pianan mara, y cu su man habri e ta trata na defende su mes y stop e sotanan di un pida palo cu e mama Saskia (su pianan so ta visible) a usa pa sute na forma barbarico.

 

- Advertisement -

DUNA COMENTARIO

Please enter your comment!
Please enter your name here