Home General Polis a detene 64 persona canando sin mascara na Santiago

Polis a detene 64 persona canando sin mascara na Santiago

35
0
SHARE
- Advertisement -

ORANJESTAD (AAN): Na Republica Dominicana, por lo menos 64 persona a keda deteni siman pasa door di Polis na e ciudad di Santiago, pasobra nan tabata cana riba caya sin cu tin mascara poni riba nan cara.

   Polis a adverti di antemano cu nan lo bay actua cu man hopi fuerte riba hendenan cu no ta usando mascara di cara, pa yuda mitiga asina e brote di Coronavirus nobo.  Hopi hende ta cana den e area di Monumento a los Héroes na Santiago sin cu tin mascara bisti.

   Pero den gobierno mes tin algun funcionario cu no ta di acuerdo cu a detene asina hopi hende.  Nan a bisa cu Ministerio di Salud Publico tin ningun decreto legal pa impone multa riba hendenan canando sin mascara.

   Nan ta di acuerdo cu e uso obligatorio di mascara riba cara, pero tin di stop abuso di autoridad pa bay detene hende via di un decreto di Salud Publico, pasobra no tin ningun decreto legal cu ta impone pa e ministerio ey bay impone multa.

   Pero Polis a bisa cu mayoria di esnan a wordo deteni, pasobra nan a falta respet pa autoridad.

  Un Polis a hasta stop un persona cu a bise: “Ami ta cana riba caya manera cu mi ta haya ta bon, y no manera otronan kier.”  Aki e Polis a detene y pone su mannan den boei. 

   Pero diripiente un miembro di famia a yega cu un mascara, a pone riba su boca y nanishi, y e ora e oficial a kita e boei y lage liber.

 

- Advertisement -

DUNA COMENTARIO

Please enter your comment!
Please enter your name here