Home Cultura Planea bo bishita na Museo Arqueologico Nacional den periodo di vakantie

Planea bo bishita na Museo Arqueologico Nacional den periodo di vakantie

31
0
SHARE
- Advertisement -

Entrada ta gratis!

ORANJESTAD (AAN):  Museo Arqueologico Nacional Aruba (MANA) ta informa publico cu su salanan di exposicion ta habri den e periodo di e siguiente vakantie. Orario pa publico ta dialuna pa diabierna di 9:30’or di mainta pa 4:30 di merdia.

    Te ainda, entrada di MANA ta gratis, pues probecha y planea un bishita durante bo vakantie cu bo famia y amigonan. Tene cuenta si, cu te proximo aviso, reglamentonan  en conexion cu Covid-19 ta keda na vigor pa bishita MANA.

    Den transcurso di añanan MANA a ofrece diferente speurtocht den su sala di exposicion permanente, cada biaha cu un diferente tema. E aña aki MANA ta ofrece cada mucha y hoben cu bishita e exposicion permanente durante su vakantie un escogencia di diferente speurtocht. Lo por hasi e speurtocht tanto individual como den grupo. Por acudi na balie di MANA pa scoge  e speurtocht cu ta desea di hasi, tanten cu tin disponibel.

   Gruponan di campamento y gruponan di 10 persona of mas cu ta desea di bishita MANA durante periodo di vakantie, mester traha un cita. Mester tene cuenta cu den e “normal nobo”, gruponan no por ta mas grandi cu maximo 15 mucha/ hoben pa bishita MANA.

   Keda pendiente pa  informacion tocante un programa virtual  cu MANA y Fundacion Museo Arubano  lo  lanza dentro di poco.

   

- Advertisement -

DUNA COMENTARIO

Please enter your comment!
Please enter your name here