Home General Persona cu nenga di drenta Parlamento por ta candidato atrobe?

Persona cu nenga di drenta Parlamento por ta candidato atrobe?

702
0
SHARE
- Advertisement -

Pa prome bes den historia di Aruba e pregunta ta bini dilanti

*Sistema electoral di Aruba no ta permiti condicion pa sirbi pais

*Decision di mas cu 7 Mil persona no a wordo honra for di 2017

ORANJESTAD (AAN) — Despues di eleccion 2017, un situacion historico a presenta su mes na Aruba.

E persona cu a haya e mayor cantidad di voto riba su nomber na cabes di su partido, a dicidi cu e no ta drenta Parlamento.

El a celebra e hecho cu den su partido el a haya e gran mayoria di voto riba su nomber y cu den ningun otro partido su logro personal por a wordo registra. Sinembargo, el a dicidi cu e ta hala atras y cu e no ta forma gobierno.

E decision cu e persona cu a haya mas voto den eleccion di Aruba na 2017 a tuma, a haci cu finalmente Evelyn Wever-Croes mester a acepta e responsabilidad di forma un gobierno den un situacion di problema grandi.

E cantidad di voto cu cada partido a haya na 2017 compara cu 2013, hasta cu promesa di un refineria, tabata un indicacion kico pueblo di Aruba a pensa di e forma cu Aruba a wordo goberna.

E persona cu a haya mas voto cu tur otro persona durante eleccion 2017, a dicidi pues cu e no ta drenta Parlamento di Aruba tampoco. Cu otro palabra, el a nenga di honra decision di pueblo di Aruba pa uno of otro partido.

Un situacion grave a presenta su mes pa e sistema di eleccion di Aruba, cu no conoce e posibilidad pa un persona dicidi bou ki condicion e ta drenta Parlamento di Aruba. Tin regla pa e persona honra pero ningun hende (pa voto cu e por tin compara sigur cu otronan den su partido) por dicidi kico ta su condicion special pa e por drenta Parlamento.

Analisis di e problema nobo cu lo tin pa eleccion 2021, ta mustra cu por tin cierto motibo cu e persona cu a bira e votegetter record y total di Aruba, a dicidi te awe cu e no ta drenta Parlamento.

E prome posibilidad pa el a keda pafo di Parlamento ta, cu e no ta contento cu su eleccion pa drenta Parlamento y cu el a pensa mas bien cu e mester sirbi como Presidente por ehempel si e pais dicidi pa bira republica pa e por bira Presidente.

Cada hende tin nan pensamento pero ley tin su orden.

En todo caso, Aruba for di eleccion 2017 a conoce un persona cu a haya e gran mayoria (7 Mil si nos conteo ta bon) pa e por a drenta Parlamento. Sin duda su nomber lo drenta historia di 2017 pero e no a sirbi pueblo.

El a keda pafo di maneho di e crisis grandi cu el a laga como herencia pa Aruba. Pasobra loke el a laga atras tabata un debe nacional manera poco a logro di acumula den historia democratico mundial, cantidad di proyecto pa pueblo paga awe pa no papia mes di e baile nobo di Citgo, cu ta pone hende yora di dolor ora subi pista di baile.

Comportacion di personanan cu a habri caminda pa e politico cu a haya mayoria di voto na 2017 ta indica, cu campaña electoral ta cuminsa. 

Awor Aruba mester analisa un problema cu a surgi pa prome bes den historia politico di e pais.

E persona aki cu a drenta berde den politica, mester bay competi den eleccion contra e politiconan cu mester a haci e trabou cu e no tabata tin e curashi pa haci? E persona aki por ta candidato pa proximo eleccion si e no kier carga responsabilidad den tempo dificil?

E mester contesta e pregunta pa asina e sigui duna contenido nobo na e leynan electoral di Aruba, cu nunca a conoce e situacion cu el a crea for di momento cu el a gana eleccion na 2017.

- Advertisement -

DUNA COMENTARIO

Please enter your comment!
Please enter your name here