Home General Peregrinonan a disfruta e prome ‘Camino di Aruba’

Peregrinonan a disfruta e prome ‘Camino di Aruba’

197
0
SHARE
- Advertisement -

ORANJESTAD (AAN): Diasabra pasa, Gea Souge-Meijer a organiza e prome ‘Camino of Aruba- Discover Your Way’ na unda 39 peregrino a haya un paspoort y un cinta largo, a sali for di Seroe Pela pa 5:50 di mainta na pia y canando den nan mesun paso. Gea Souge-Meijer ta un ‘life coach’, originalmente di Hulanda, tin mas di 30 aña bibando na Aruba.

   E trayecto meditativo a wordo compaña pa un bunita amanece, biento fresco y holor di lama. Esaki tabata un canamento sigur, accesible y hopi bunita. Algun peregrimo a tuma algun pausa pa medita y come algo.

   E caminata tabatin un total di seis punto pa haya un seyo. Cada peregrino a skirbi un mensahe riba e cintanan y a mara nan riba un pida palo patras di Kapel di Alto Vista, e laberinto di paz di Aruba.

   Na final di e caminda, Jazlyn Phillip di The Vegan Kitchen a bende burger vegano y awa di lamunchi.

   Inspiracion di Gea pa cuminsa e ‘Camino di Aruba’ ta bin di su mesun experiencianan den su participacion den El Camino de Santiago. Su meta ta pa haci cu Aruba lo ta conoci como un destino di peregrinahe.

   E siguiente Camino lo tuma lugar fin di Juli of comienso di Augustus.       

 

- Advertisement -

DUNA COMENTARIO

Please enter your comment!
Please enter your name here