Home General Peliger pa Euro ta spierta Florin Arubano

Peliger pa Euro ta spierta Florin Arubano

2001
0
SHARE
- Advertisement -

Vigilancia di Euro ta confirma alarma cu DIARIO a bati

*Expertonan Hulandes ta adverti paisnan cu debe nacional

*Sobrevivencia Euro di atake di coronavirus na discusion 

ORANJESTAD (AAN) — Informacionnan oficial cu a alcansa DIARIO ayera for di Hulanda, ta confirma e alarma cu DIARIO a bati na momento cu e coronavirus nobo a ataca e situacion economico y financiero mundial.

E Centraal Plan Bureau di Hulanda ayera oficialmente a duna di conoce, cu mester sigui vigila si Euro lo sobrevivi e atake di Covid-19, cu por conduci na un crisis manera e Euro a conoce dies aña pasa.

Aunke awe e Euro ta mas fuerte cu e tempo, mester tene na consideracion tur e factornan cu ta afecta un moneda nacional y den esaki debe ta sigur hunga un factor importante.

Un advertencia pa sigui vigila e Euro a wordo lansa den un disertacion cu ta mustra tambe cu paisnan cu un debe nacional halto ta directamente den problema serio den e situacion mundial nobo.

Mencion a wordo haci di e realidad monetario di e paisnan Europeo mas debil economicamente y financiero na e parti Sur di Europa.

Mientras na Europa pues a vigila e Euro actualmente, mundo ta wordo adverti pa e resultadonan sumamente pisa cu e coronavirus nobo lo tin riba moneda di paisnan cu tin debe grandi.

Ta wordo mustra con debe nacional ta crea peliger pa e bienestar monetario di e paisnan cu lo tin mas dificultad den prestamo y pago mas halto di interes riba e mercado mundial di capital.

Pa e sistema bancario di un pais, sigur e paisnan cu un debe nacional halto, mester tene cuenta cu e riesgo envolvi.

Despues cu DIARIO a adverti pa medidanan cu Banco Central di Aruba mester a tuma pa por controla e bienestar di e Florin Arubano, esaki a sosode tambe y por a mira con ya na dos ocasion Banco Central di Aruba a actua den e ultimo lunanan.

E loke Hulanda a presenta ta tambe un advertencia pa e autonomia financiero di paisnan cu no por cumpli cu pago di nan debe y interes, loke ta conduci na crisis monetario grandi.

Informacionnan cu DIARIO a ricibi ta indica cu mas y mas ta bira conoci pakico Hulanda a actua manera a pasa ora e mester a bolbe duna Aruba un suma como prestamo sin interes pa Aruba por a sobrevivi e crisis cu a surgi a base di e coronavirus nobo y e situacion mundial cu esaki a provoca.

DIARIO lo bolbe cu mas informacion riba e tema aki en espera tambe di cifranan y hasta mas medida cu Banco Central por considera na nan luga den un situacion mundial cu ta empeora.

 

- Advertisement -

DUNA COMENTARIO

Please enter your comment!
Please enter your name here