Home Bites Pelican Nest Seafood Grill a habri su portanan bek tambe

Pelican Nest Seafood Grill a habri su portanan bek tambe

102
0
SHARE
- Advertisement -

ORANJESTAD (AAN): Pelican Nest Seafood Grill ta cla pa yamabo ‘Bon Bini’ y brinda su servicio culinario despues di a haci adaptacionnan necesario basa riba e protocol di higiena y salud presenta pa ATA y DVG segun e programa di Aruba Health & Happiness Code (HH-Code).

   E motibo tras di e adaptacionnan aki ta pa sigura cu Pelican Nest ta cla pa e ‘normal nobo’ tumando pasonan di precaucion y higiena pero tambe percura pa e restaurant ta na un nivel cu nos bishitantenan ta spera pa cu higiena y salud.

   Ya desde Dialuna 1 di Juni, Pelican Nest a cuminza cu su servicionan culinario abase di ‘take out y delivery’ cu variacion extenso riba menu y cu prijsnan atractivo. Brindando servicio na e pueblo di Aruba, nos lo ofrece un menu diferente pa take out y delivery como inicio di e re-apertura.

   Encuanto take out y delivery di cuminda, lo tin stickernan di indicacion pa asina indica unda clientenan/ bishitantenan tin cu para pa warda of ricibi nan pedido.

   Na momento cu haci entrega di e pedido na cada cliente, lo pidi encarecidamente si por paga cu maestro/credit card pa asina evita uso di placa cash si ta posibel. Empleadonan di Pelican Nest lo haci uso di tur e productonan, lo tuma pasonan di precaucion estricto y normanan di higiena y salud pa asina cumpli cu e HH-code.

   Bishitante y clientenan por haya e menu di Pelican Nest riba Facebook of Instagram page – ‘Pelican Pier’, website pelicannestaruba.com of por tuma contacto cu nos libremente na 586-2259 of 699-0155 pa take out, delivery, reservacion of informacion.

   Na momento cu Pelican Nest habri pa e segundo fase, cual lo tuma lugar na mitar di luna di Juni, lo ofrece su menu di semper pa e bishitantenan cu ta desea di ‘dine in’ cerca nos na Pelican Nest situa riba Pelican Pier.

   Pa clientenan/bishitantenan cu ta desea di sinta come na Pelican Nest, lo tin un host(ess) presente y flechanan di indicacion cu lo guia y indica unda mester cana pa worde sinta na mesa pa disfruta di un bunita bista, experiencia culinario y servicio.

   Pelican Nest a percura pa adapta na e cambionan segun e protocol di e program HH-Code teniendo na cuenta cu e distancia social di minimo 1.5 meter, percurando asina cu e mesanan ta na un distancia di 1.5 meter minimo leu for di otro.

   Despues cu e bishitante worde sinta na mesa cu ayuda di e host(ess), un waiter asigna lo acerca e bishitante na mes teniendo e distancia social na cuenta pa brinda servicio necesario y di calidad pa un experiencia autentico y completo.

Pelican Nest ta y lo enfoca hopi riba labamento di man y uso di hand sanitizer tanto di e empleadonan pero tambe di e clientenan/bishitantenan.

   Nos por sigura tur nos clientenan/bishitantenan, cu tur e empleadonan di Pelican Nest lo haci uso di tur normanan di precaucion. A percura pa Pelican Pier completo, incluyendo Pelican Nest su area di dine in y cushina ta tuma tur pasonan necesario pa segura un mihor sistema di higiena y salud pa e clientenan/bishitantenan pero tambe su empleadonan.

   Staff y personal di Pelican Nest kier a gracidi pueblo di Aruba di antemano pa e apoyo brinda pa varios aña caba y alaves nos kier a invita un y tur pa bin disfruta di un experiencia culinario unico y di calidad na unda cu nos staff ta hopi entusiasma y prepara pa sirbi nos clientenan/bishitantenan.

- Advertisement -

DUNA COMENTARIO

Please enter your comment!
Please enter your name here