Home General Patruyenan intensivo lo continua rond di e islanan ABC pa preveni criminalidad

Patruyenan intensivo lo continua rond di e islanan ABC pa preveni criminalidad

88
0
SHARE
- Advertisement -

ORANJESTAD (AAN): Wardacosta hunto cu Defensa lo continua cu patruyanan intensivo rondo di e islanan di Aruba, Bonaire y Curaçao.

E patruyanan amplio aki ta principalmente pa evita yegada di lanchanan cu personanan indocumenta abordo cu por ta infecta cu e virus di COVID-19.

Na momento cu e personanan aki yega e islanan sin wordo controla nan por forma un peliger pa habitantenan. 

Ta conoci cu e lanchanan cu ta wordo uza pa e biahenan mayoria biaha no ta ekipa pa haci e tipo di biahenan aki y ta hiba demasiado persona abordo di un forma iresponsabel.

 E biahe for di Venezuela pa e islanan ABC ta uno peligroso pa motibo cu lama por ta bruto. Tur e factornan menciona ta forma un riesgo enorme pa esnan abordo.

Den pasado, pero tambe recientemente famianan a perde nan sernan keri den accidente cu lancha. Wardacosta ta alerta personanan pa no cuminza na e biahe peligroso aki.

E sistema di radar hunto cu unidadnan aereo y di navegacion di Wardacosta y Defensa lo sigui patruya pa asina tin grip riba e fronteranan maritimo.

Tur e patruyanan di Metal Sharks lo ricibi sosten di milicianan di Caribe pa asina efectua vigilancia 24 ora pa dia durante 7 dia pa siman.

Alavez e patruyanan ta vigila y proteha e fronteranan di transportenan di droga, traficacion di hende y di arma.

- Advertisement -

DUNA COMENTARIO

Please enter your comment!
Please enter your name here