Home Parlamento Parlamento kier reunion pasobra nan tin hopi pregunta pa Aruba Bankers Association

Parlamento kier reunion pasobra nan tin hopi pregunta pa Aruba Bankers Association

99
0
SHARE
- Advertisement -

ORANJESTAD (AAN): Parlamentario Endy Croes ta trahando pa logra un reunion cu Aruba Bankers Association pronto. Lo invita representantenan di tur Banco pa un Openbare Bijeenkomst den Parlamento. E promer contacto a worde haci y ta enbusca di un fecha corecto pa logra esaki pronto.

   Como representante di pueblo, nan tambe ta ricibi masha hopi pregunta pero alaves Parlamento tambe tin su idea y peticionnan. Den un reunion asina por logra scucha di tur Banco kico tur tabata nan maneho comun den crisis. Con e maneho lo continua pa restante di 2020.

   Alaves lo haci preguntanan cu ta yega cerca nos mediante di pueblo na representantenan di banco y finalmente lo intercambia idea cu Banco na fabor di pueblo.

   Parlamentario Endy Croes ta di opinion cu Banco mester por core un poco mas riesgo pa asina hunto yuda Aruba sali for di crisis. Ohala nos por yega na un entendimento.

   Por ehempel ta e momento oportuno pa brinda oportunidad y sosten na entrepeneurnan chiquito y mediano. Nos mester duna espacio pa multiplica ideanan y convertinan den realidad stimulando nos economia y creando cuponan di trabao.

   Primordialmente awor e fuente di entrada mas grandi esta  nos ader mayor turismo a “shut down”. Pa realisa un of otro proyecto banconan ta exigi 30% cash di e intrepeneur. Pues si abo tin un proyecto di 100 mil bo mester trece 30 mil cash pa haya un financiamento di 70 mil. Of si Bo tin un proyecto di 1 miyon Bo mester trece 300 mil cash downpayment pa ricibi un financamento di 700 mil Florin.

   Parlamentario Endy Croes ta di pensamento cu esaki ta e momento oportuno cu Banconan mester por suavisa nan maneho dunando sosten na esnan cu kier core risico pa realisa nan proyecto cu por yuda economia di Aruba. Kisas Banco por core poco mas riesgo hunto cu e entrepreneur combirtiendo nan maneho na 10% di eigeninbreng pa proyecto?

   Kizas por usa colateral y financia e proyectonan 100%. Aruba ta den necesidad grandi pa un “jump start” y ohala den e reunion binidero nos por yega na entendimento cu Banconan na fabor di pueblo. Coriendo riesgo hunto por logra mas.

- Advertisement -

DUNA COMENTARIO

Please enter your comment!
Please enter your name here