Home Parlamento Parlamento di Aruba tambe nada contento cu loke Bosman a bisa den...

Parlamento di Aruba tambe nada contento cu loke Bosman a bisa den Tweede Kamer

195
0
SHARE
- Advertisement -

ORANJESTAD (AAN): Diaranson mainta, durante e Reunion di Parlamento pa por scucha di Ministro di Finanzas algun detaye, riba e sosten financiero pa cu Covid-19 cu Hulanda ta manda pa Caribe.

   Diferente Parlamentario a hiba palabra, y por a nota cu nan ta cuestiona loke Bosman a papia di dje den Tweede Kamer, y alavez ta tipifica e estereotipo cu algun gobernante tin pa cu Caribe Hulandes.

   Segun Parlamentario Ricardo Croes, e ta kere cu Bosman na Hulanda tin di bay lesa algun rapport di pasado, pa asina e realiza kico tur e logronan ta di pasado, y tambe realiza cu contrario na otro islanan, Aruba sinembargo nunca a fia ningun placa di Hulanda.  Pasobra aworaki Aruba riba su mes ta pagando tur debe cu e tin, y no ta usando ningun placa di Hulanda pa paga nan.

   Tambe ta cuestiona e exigencianan di Tweede Kamer pa acopla cierto condicion ora di duna Aruba e prestamo, incluyendo esun drastico cu tin di baha gasto di AZV na Aruba cu 5 miyon Florin tur luna.

   Esaki ta algo cu Dellanire Maduro di Partido POR a cuestiona.  E kier sa di unda a bin y dicidi pa spaar net 5 miyon Florin pa luna door di corta esey for di AZV.

   Pasobra net awor cu tin e crisis di Coronavirus, y net awor Hulanda kier exigi pa corta 5 miyon di e Aseguro Medico General.

   Segun Maduro, ta conoci cu na Aruba ta cantidad di hende ta padece di malesa cronico, incluyendo diabetes y tambe obesidad.  Pesey no por compronde di con net awor cu Covid-19, kier  corta sker den AZV.

   E Parlamentario ta haya cu e forma abrupto cu kier corta sker den AZV awor no ta responsable, y pesey el a desea di haya sa, kico ta e factor indirecto cu ta hunga rol den esaki.

- Advertisement -

DUNA COMENTARIO

Please enter your comment!
Please enter your name here