Home Gobierno Parlamento di Aruba, segun constitucion, ta esun yama pa dicidi si ta...

Parlamento di Aruba, segun constitucion, ta esun yama pa dicidi si ta retira un minister

208
0
SHARE
- Advertisement -

Minister Lopez-Tromp:

*E reunion cu POR a yama no ta cuadra cu statuut di e partido

ORANJESTAD  (AAN):   Den su declaracion na prensa, Marisol Lopez-Tromp a expresa cu e ta haya straño e pakico Andin Bikker a dedica su carta na referi na e temanan di e areanan proteha y Serlimar enfaticamente cu ta net dos punto cu ta stipula den e maneho di gobierno.

Como no solamente lider di partido POR, pero den su calidad di Minister di Husticia y tambe su specialidad di abogacia, e ta haya straño cu e carta cu el a ricibi y lesa, ni esey por a wordo haci corecto.

E reunion cu POR a yama no ta klop cu e statuut di e partido y no a sosode den un froma legal manera cu e mester ta. A wordo yama di un ora pa otro atardi caminda tur hende tin nan agenda.

E puntonan den e carta, esnan cu ta den conseho di partido lo a aproba sin realisa cu ta contra e propio statuut di partido. Consecuentemente, esaki ta haci e carta invalido, Lopez-Tromp a remarca.

Esey no ta kita cu esey ta nan pensamento y nan conviccion cu nan no lo kier pa e sigui cu e trabao. “Pero mas ironico ta bira ora di ta pensa di por duna un opdracht pa den tanto ora di tempo entrega e ministerschap, cual tambe como un abogado, hurista vakia, lo bo mester sa cu partido no por exigi esaki di ningun minister. Ta parlamento di Aruba, segun nos constitucion, esun yama pa dicidi si e ta retira un minister, mantene un minister, por ehempel, den un mocion”, a subraya.

A agrega cu te ainda e no a mira un minister baha den e forma ey aki na Aruba. Pero e ta kere cu Minister Bikker ta convenci cu parlamento lo tin intension di bah’e como minister, pasobra esey lo ta e unico forma cu esey lo por sosode den un forma legal.

Mas leu, a señala cu e ta sorprendi cu e minister por instrui pa e pone e pen abao pa no firma mas ningun documento. Gobernador so lo por yega asina leu di bisa algo asina, e mandatario a expresa.

E ta haya increibel, aparte di e carta cu no ta legal, tur e puntonan cu tin den dje, hasta treciendo pa dilanti cu informacionnan eroneo.

Lopez-Tromp a sigura cu pueblo por ta sigur pasobra e prome interes ta interes general di e pais y no ta e parti politico.

 

- Advertisement -

DUNA COMENTARIO

Please enter your comment!
Please enter your name here