Home Parlamento Parlamentario Shailiny Tromp-Lee a nota cu pueblo ta rogando pa castigo mas...

Parlamentario Shailiny Tromp-Lee a nota cu pueblo ta rogando pa castigo mas severo

115
0
SHARE
- Advertisement -

Tratamento di Ley di Pedofil

ORANJESTAD (AAN): Palamentario Shailiny Tromp-Lee di Partido MEP, riba Diabierna durante tratamento di concepto di ley pa cambia varios castigo penal, a bisa cu el a prepara cu sentimento mixto pa e reunion ey. 

   E reunion ta pa aumenta e castigo maximo pa ora un menor wordo abusa sexualmente.  Ora un hende homber of muher keda abusa, viola, maltrata, te cu keda mata.

   E palabra castigo caba ta indica cu e delito ya a tuma lugar. Cu un menor su briyo di wowo y su inocencia keda kita.  E mucha a keda viola of maltrata caba, of un hende a perde su bida, nan bida y di nan famia a keda influencia y marca pa semper.

   E Parlamentario sa cu dor di hisa e castigo maximo, claro e lo no cambia e impacto grandi cu e sucedido aki tin riba bida di e famia of di e victima.

   Door di aumenta castigo maximo, esaki lo tin impacto riba e cantidad di caso na Aruba?  Pasobra contrario na e pensamento, hendenan ta ripara cu ta reina den sociedad, awe no ta trata di un cambio di ley, sino cambio di un ley existente.  Pues no ta introduci leynan nobo cu castigo maximo.  Esaki ta forma parti di e codigo penal caba pa hopi tempo.  Awe ta aumenta esaki cumpliendo cu grito di sociedad pa castiga e malhechornan debidamente.

   E tratamento di concepto di ley riba Diabierna, ta forma parti di un culminacion di trayectoria largo cu a tuma lugar den Parlamento.

   Riba Social Media tin pueblo ta rogando pa castigo aun mas severo.  Pesey Shailiny Tromp-Lee ta pidi Ministro di Husticia pa duna splicacion pa pueblo compronde con a stipula aumento di castigo maximo aki. 

   A tene cuenta cu castigo maximo na islanan bisiña, y tambe cu e concordantie beginsel di Articulo 29 di Statuto.  Ta tene cuenta cu sentimento y deseo di sociedad. 

   Expectativanan di pueblo ta otro, y ta spera cu Ministro por splica na manera simplifica con e trayecto di e castigonan aki ta tuma lugar.

 

- Advertisement -

DUNA COMENTARIO

Please enter your comment!
Please enter your name here