Home Parlamento Parlamentario Endy Croes ta bay duna keho oficial contra Mike Eman encuanto...

Parlamentario Endy Croes ta bay duna keho oficial contra Mike Eman encuanto placa di mafia

161
0
SHARE
- Advertisement -

ORANJESTAD (AAN): Parlamentario Endy Croes ta splica cu finalmente e keho oficial contra Mike Eman a keda cla. E siman aki ta un siman interesante unda cu lo haci un bishita na Ministerio Publico pa oficialmente entrega un keho hopi amplio y cu prueba contra Mike Eman.

   Parlamentario Croes ta spika cu esaki a tuma poko mas tempo cu a anticipa comokiera cu kier a prepara esaki na un forma corecto cu prueba pa garantisa cu Minosterio Publico lo haci su ionvetigacion unabes cu nan ricibi e keho oficial.

   E siman aki entre Dialuna cu Diaranson awor lo haci un bishita na Ministerio Publico pa oficialmente entrega e keho bon documenta cu prueba

   Mike Eman usa placa preto di Roberto Rincon pa cumpra votos:

   Desde 2014 den diferente articulonan den prensa tabata tin acusacion fuerte contra Mike Eman relevando cu Mike a ricibi plaka di Roberto Rincon for di un di su companianan esta Tradequip di Maracaibo pa cu elecion 2013. Sinembargo e pruebanan aki nunka a worde publica of kisas no tabata tin e pruebanan aki alrespecto.

   Tabata algun siman pasa esta awor den 2020 cu a logra haya algun prueba contudente di transferencianan bancario di Roberto Rincon pa cuenta di Fundacion Campaña Mike Eman.Recientemente a publica un di e preubanan cual tabata un transferecia di 50 mil us Dollar.

   Roberto Rincon a soborna PDVSA pa mas di 1000 miyon y a cay sera:

   Dia 18 di December 2015 Roberto Rincon a worde aresta na merca. E aresto aki tabata tin di haber cu un investigacion pa cu e periodo di 2008 pa 2014 unda a acusa Roberto Rincon pa a comete soborno paga hende pa haya proyectonan miyonario den PDVSA y a move mas di 1000 miyon Dollar.

   Pues ta mesun plaka preto aki a worde usa pa campaña di Mike Eman na 2013 unda varios transferencia a worde haci pa e Fundacion Campaña Mike Eman. Por corda entre otro cierre di campaña di AVP cu un lighting parade cu 13 banda riba ruta anto tur cos gratis. Mike a usa plaka preto pa cumpra votos y esaki ta castigable.

   Ministerio Publico ta na turno awor:

   E siman aki manera cu e keho aki worde entrega nos lo comunica esaki cu prensa. Ministerio Publico tin trabao pa investiga Mike Eman y Fundacion Mike Eman. Ministerio Publico tin toolsnan legal cu nos no tin y un investigacion profundo di e cuenta di banco di “Fundacion Campaña Mike Eman” den futuro cercano lo desvela ta cuanto plaka exactamente Mike a ricibi y ta for di cual fuentenan dudoso e plakanan aki tabata drenta.

   No lo tin duda cu mesun practica cu Paul Croes a haci cu su Fundacion di campaña unda caso IBIS a demostra cu por ehempel a ricibi plaka a cambio di fabor politico y hasta a usa e plaka ey pa traha su cas y instala airco na su cas por ta e practica di Mike. Mike ta bibando den un mansion na Marisol Building keto bay pero Mike Eman no ta trahando y no tin entrada. Esaki tambe ta un indicador pa pone un luz briya cerca Ministerio Publico.

   No por lubida cu 7 luna despues di eleccion na 2013 Benny Sevinger a duna Roberto Rincon un tereno grandi na Balashi den apenas 5 dia cu e peticion a drenta “hand delivered.”  Segun Benny, el a ‘Google’ y no a haya nada straño. Prohibi pa lubida. Investigacion lo bay determina di kendenan tur Mike Eman a ricibi fondonan dudoso y ta cuanto plaka preto el a usa pa cumpra votos na 2013. 

 

 

- Advertisement -

DUNA COMENTARIO

Please enter your comment!
Please enter your name here