Home Parlamento Parlamentario a bisa cu pueblo ta fada y harta y no kier...

Parlamentario a bisa cu pueblo ta fada y harta y no kier tende e storianan mas

123
0
SHARE
- Advertisement -

Tratamento di Ley di Pedofil

ORANJESTAD (AAN): Diabierna a tuma lugar den Parlamento e tratamento di e concepto di aumento di ley pa casonan di inmoralidad na Aruba.

   Parlamentario Mike de Meza di AVP, a splica cu sigur cu hopi hende tabata sigui e reunion di Diabierna, unda e concepto di ley pa aumenta castigo y kita e verjaring di strafvordering pa e ley cu ta existi.

   Mescos cu varios otro Parlamentario, aki De Meza a puntra si acaso e aumento di castigo ta suficiente efectivo.  “E cambionan aki lo ta suficiente?”  El a bisa cu hopi experto ta cuestiona esey, y den pueblo tambe.  Riba plataforma huridico ta check si castigo minimo di berdad lo stroba un Hues pa dicta sentencia.

   E problema ta cu aunke tin castigo maximo pa casonan di inmoralidad na Aruba, toch hopi biaha no ta yega castigonan maximo di abuso di muchanan!   Pues na opinion di De Meza, tin problema hopi serio structural den sistema na Aruba.

   Ta cuestiona kico e cambionan aki realmente lo nifica pa proteccion di muchanan menor di edad.  Ministro di Husticia tin autoridad pa duna instruccion na Ministerio Publico pa nan bay ‘full force’ tras di e casonan aki.

   Aki Parlamentario De Meza a reclama, cu hopi ciudadano a bay entrega keho, pero no a haya e sosten cu nan a kere di lo haya.  Hasta e victimanan ta sinta cu Ministerio Publico, cu ta bin bisa nan cu e aso no ta suficientemente fuerte, lo no kier hibe caso Corte, pasobra e chens ta abao cu lo gana esey.

   “Cierto momento esaki ta B.S. y pesey pueblo ta rabia,” De Meza a bisa riba un tono rabia.  “Pueblo ta fada y harta, y pueblo no kier tende  e storianan aki mas”.

   Ta birando sumamente peligroso, pasobra tur colega tin rabia riba nan mes, pero ta haya input di hopi mayor cu ta bisa cu ta basta!  Varios mayor ta bisando cu si e cos aki socede cu nan yiu, nan lo tuma ley den nan man.

    Pesey na opinion di De Meza, mester bay full blown contra e abusadornan aki!

    Tin di percura pa haya personal pa traha den enseñanza cu ta dedica solamente na abuso di mucha.

    REUNI CU CORTE:

   Segun Parlamentario De Meza, e ta kere cu ta necesario pa Ministro di Husticia urgentemente bay reuni cu Corte pa mustra e Hueznan kico ta e pensamento ta biba den sociedad, unda ta hayando inaceptable cu ta duna sentencia asina abao.

   De Meza a bisa cu ta parce cu Corte na Aruba ta dunando e impresion cu e victima tin menos derecho cu e agresor.

   Pa aumento di castigo, De Meza a bisa cu e ta para tras di e ley aki.  Ni e ley bieu cu ta duna castigo pa basta aña no ta wordo aplica.  Awor kere cu lo bay aplica esun aki?

Si acaso mester bay Hulanda, cu haci esaki cu Rey di Hulanda, tin di haci esey pa splike cu e cos aki no por.

   Ban stop e cos aki!  Ta pidi Ministro di Husticia pa bay haci esaki, sino den pueblo morto lo bay cay!

- Advertisement -

DUNA COMENTARIO

Please enter your comment!
Please enter your name here