Home Gobierno Pa e dunadornan di trabao ricibi subsidio mester tin un acuerdo firma...

Pa e dunadornan di trabao ricibi subsidio mester tin un acuerdo firma cu e trahadornan riba un reduccion minimo di 20% di salario

4588
0
SHARE
- Advertisement -

Edwin Jacobs:  Entrante awe, por aplica pa e subsidio di salario di Juni

ORANJESTAD (AAN):  Director di SVb, Edwin Jacobs a trece algun informacion dilanti diaranson anochi den e rueda di prensa di Gobierno pa loke ta subsidio di salario.

El a indica cu esaki ta informacion extra cu no a wordo treci dilanti dialuna durante e declaracion cu el a duna na prensa, pero cu ta relevante.

Na prome lugar el a indica cu entrante awe 4 di Juni te cu dia 13 di Juni, e dunadornan cu ta bin na remarca pa motibo cu nan a keda afecta door di Covid-19, ta vulnerabel y tin un perdida di mas di 5% por aplica pa e subsidio di salario di luna di Juni. El a bisa cu e dunadornan di trabao a haya un email di SVb pa nan por sigui cu e proceso di aplicacion.

Jacobs tambe a aclarea cu CAft a pone como condicion cu pa e companianan haya subsidio di trabao mester existi un acuerdo firma entre e dunadornan di trabao y e trahadornan riba un reduccion minimo di 20% di salario y di oranan di trabao como parti di e pakete pa por ricibi e subsidio.

E acuerdo aki mester ta firma pa tur trahador pa asina e subsidio di salario por wordo otorga , Edwin Jacobs a subraya.

SVb lo percura pa e dunadornan di trabao ricibi e lista di e trahadornan cu tin cu firma y lo mester entrega esaki bek na SVb.

 

Flexibilisacion medida

 

A base di e reaccionnan cu a bin den comunidad, Minister di Finansas a acerca SVb pa wak si por ta posibel cu den ehecucion por flexibilisa e condicion aki caminda cu si tin un trahador cu no firma, e no ta perhudica e otronan di haya e loonsubsidie.

Director di SVb a indica cu ta exigi un tiki mas di e organisacion pa por ehecuta esaki, pero ta ehecutabel y pa tal motibo, Minister di Finansas a tuma e decision cu no ta bay aplica cu tur trahador tin cu firma e acuerdo aki, pa asina henter e compania por haya e loonsubsidie. Pero e trahador cu no firma, no ta bay tin subsidio p’e pa luna di Juni, a subraya.

- Advertisement -

DUNA COMENTARIO

Please enter your comment!
Please enter your name here