Home Tempo Otro nubia di stof di Sahara ta drentando area di Caribe den...

Otro nubia di stof di Sahara ta drentando area di Caribe den weekend

1609
0
SHARE
- Advertisement -

*Ola tropical lo por trece awacero diasabra madruga y mainta

ORANJESTAD (AAN):  Departamento Meteorologico Aruba ta informa cu un ola tropical den parti oost di Caribe lo pasa bay west den e proximo 24 oranan. Esaki lo trece humedad den e partinan mas abou di atmosfera cu por produci un awacero localmente, principalmente den oranan di marduga y mainta di diasabra.

Un proximo ola tropical lo drenta parti oost di Caribe den curso di Diasabra.

 Di otro un banda por bisa cu otro nubia di stof di Sahara ta drentando area di Caribe. Sinembargo, e biaha aki e concentracion di stof lo ta menos cu ultimo dianan.

Apesar di esaki ta sugeri personanan cu dificultad respiratorio y alergia pa tene esaki na cuenta.

 

Condicionnan maritimo/ estado di lama:

Un estado di lama modera te localmente poco bruto ta wordo espera pa e proximo 24 oranan. Olanan lo ta for di oost entre 4 pa localmente 8 pia. E olanan di mas halto ta na e partinan oost te noordwest.

 

Aviso/ alerta:

Un aviso pa boto chikito ta na vigor pa e partinan oost te noordwest di costa. Ta suplica ocupantenan di boto chikito pa bay cu cautela riba lama habri generalmente.

 

Fenomenonan special:

Un nubia di stof di Sahara ta drentando area di Caribe atrobe; por spera concentracionan varia di stof durante proximo weekend. Sinembargo, e concentracion lo ta menos cu e ultimo dianan.

 

Temblor:

 

Un temblor a tuma luga awe mainta 6.33 ora local cual a wordo sinti na diferente parti di Aruba. E epicentro tabata na 140 km zuid- zuidwest di Aruba, of tambe 35 km noord di Capatarida Venezuela. E magnitud tabata di 4.5 (mms) na un profundidad di 126 km.

 

 

- Advertisement -

DUNA COMENTARIO

Please enter your comment!
Please enter your name here