Home General Otmar Oduber no tabata ni Ministro mes tempo cu W Aviation a...

Otmar Oduber no tabata ni Ministro mes tempo cu W Aviation a gana tender di Aeropuerto priva

328
0
SHARE
- Advertisement -

ORANJESTAD (AAN): E siman aki a bira conoci, cu e grupo di Fundacion Nos Ta Aruba a haci un denuncia contra ex-Ministro Otmar Oduber, y acuse di corupcion di varios asunto.

   Pero ya Diamars mainta, Otmar Oduber a duna un conferencia di prensa unda el a bay punto-pa-punto pa desbarata cada acusacion.

   PUNTO TRES:

   E di tres acusacion di e denuncia, ta papia di e Aeropuerto Priva cu tin banda pazuid di Vliegveld na Aruba.

   Nan ta acusa Oduber, cu e ta esun cu a kita e permiso for di Universal Aviation, y a traspasa esaki pa ‘su amigo’ cu awor a habri W Aviation.

    Pero si bo check bek den historia, bo lo realiza cu ta Aeropuerto di Aruba mes, esta AAA NV, a haci un proceso di tender (destaho) priva pa busca un operador nobo.  Pa colmo esey a socede na aña 2017.

   “Na aña 2017, Otmar no tabata Ministro,” Oduber a indica durante e conferencia di prensa.  E ta splica cu e hendenan mester djis check e proceso di tender di Aeropuerto cu a haci esaki full priva.

   Despues di e proceso aki di tendering a tuma lugar, ora cu Otmar a bira Ministro bek, pa colmo e no a bira Ministro encarga cu Aeropuerto tampoco.

   “Pues e acusacionnan aki ta simplemente falso un biaha mas.  Na ningun momento ami a kita of retira ningun concession di e operadornan cu tabatin e tempo ey, pasobra simplemente mi no tabata Ministro e tempo ey.”

   “Y ora cu a otorga e permiso na e operador nobo, ami no tabatin nada di haber cu Aeropuerto y no por tabata forma parti tampoco den e decision eynan,” Oduber a bisa.

   E ta lamenta si e acusacion profundamente, pasobra ora bo mira e acusacionnan cu ta wordo treci pa e Fundacion, ta comosifuera cu oro, droga, y hende ta wordo trafica eynan y pues Polis, Douane, ni Inmigracion ta haci su trabao, y ta comosifuera cu ta henter un plan tin prepara simplemente pa purba hustifica algo cu ta totalmente falso, y atrobe treciendo e puntonan aki dilanti detayadamente, comunidad por mira cu esaki ta e di tres acusacion falso cu tin den e documento aki.

 

- Advertisement -

DUNA COMENTARIO

Please enter your comment!
Please enter your name here