Home General Otmar Oduber no por ta doño di Aruba Airlines siendo cu Banco...

Otmar Oduber no por ta doño di Aruba Airlines siendo cu Banco Central y hasta Veiligheidsdienst a haci su screening

122
0
SHARE
- Advertisement -

Acusacion basta fofo di Fundacion Nos Ta Aruba

ORANJESTAD (AAN): Diamars mainta, Otmar Oduber a reacciona riba tur e puntonan di acusacion contra dje, cu e Fundacion Nos Ta Aruba a entrega na Ministerio Publico.

   Otmar Oduber desde December 2019 no ta politico mas, pero toch a haye ta duna un conferencia pa desbarata tur e ponencianan nonsense cu a wordo poni den e denuncia.

   Oduber ta haya tur e acusacionnan aki como falso, y e ta bay entrega keho contra denuncia falso tambe.

   PUNTO CUATRO:

   Un di e acusacionnan di e Fundacion, ta cu Oduber lo ta forma parti di Aruba Airlines, cu e lo ta doño di e compania, y hasta cu e lo ta meti cu Gobierno Venezolano, etc.

   Otmar Oduber a bisa cu e no tin nada di haber cu Aruba Airlines, ni ta propietario di e aerolinea.  E ta kere cu e propietario mes por papia pa su mes.

   El a splica cu Aruba Airlines ta un compania cu tin un permiso AOC Arubano, bao di leynan Hulandes y bao di control y vigilancia estricto cu ta tuma lugar door di Departamento di Aviacion Civil.  E ‘screening’ aki no ta djis socede unicamente na Aviacion Civil, sino ta socede cu envolvimento tambe di Veiligheidsdienst, y tambe cu envolvimento y screening via di Banco Central di Aruba.

   Aruba Airlines tin 7 aña operando caba na Aruba, y e propietario ta un persona cu tin Green Card y ta biba na Merca.  Henter e storianan cu tabatin den pasado, pa cu envolvimento di Gobierno Venezolano, etc., hasta a wordo cuestiona den Tweede Kamer na Hulanda, y tur esaki a wordo contesta.

   Pues loke e Fundacion a bay denuncia aki, ta un otro mentira flagrante, esta Otmar Oduber no tin nada di haber cu e structura di Aruba Airlines, y no ta doño, ni socio di e aerolinea tampoco.

   E Fundacion di Michael Williams atrobe no tin nada di prueba, djis un documento yena cu redashi sin base.

- Advertisement -

DUNA COMENTARIO

Please enter your comment!
Please enter your name here