Home Parlamento Ora habri frontera mester salvaguardia salud di pueblo

Ora habri frontera mester salvaguardia salud di pueblo

30
0
SHARE
- Advertisement -

Mervin Wyatt-Ras: 

ORANJESTAD (AAN): Dialuna den 2 Comision, a reuni cu Minister di Turismo y Salubridad Publico Dangui Oduber, minister di labor Glenbert Croes y director di ATA, Ronella Tjin Asjoe-Croes tocante diferente aspecto di turismo, salubridad y labor.

   Durante e reunion a duna splicasion cu lo tin apertura di frontera di Aruba pa vuelonan of un soft opening entre 15 juni y 1 juli venidero, awor cu tin 0 caso di Covid-19. Ta spera cu por lo maximo 2.000 persona por drenta Aruba pa luna.  E instancia RIVM di Hulanda lo duna conseho di kico mester tin ‘in-place’ prome cu por start sali.

   Esey ta e.o. cu mester tin capacidad riba tereno di salud manera bon cuido di Hospital y ICU, tambe mester tin suficiente remedi. Aruba haya sosten di Hulanda di 21 profesional di Merca pa ICU. Tambe a aumenta e capacidad di ICU te 33 lugar. Hulanda ta esun cu a percura pa 12 unit mas pa ICU.

   Ta di importancia un bon contact-tracing pa cu turistanan y cuarentena mester ta bon regla. Segun WHO e riesgo di existencia di Covid-19 lo no disparce mas. Pues nos mester ta bon prepara. E “Tourism Recovery Plan” tin diferente scenario.  Na Aeropuerto, AAA NV tin protocol. Protocol pre-arrival y post-arrival.

   Negoshinan mester haya sello pa cumpli cu hygiene. Prome cu habri frontera lo mester regla “thermal cameras” na Aeropuerto, y den caso tin sospecho cu un pasajero tin sintomanan lo manda e pasahero na un area special. 

   Aki lo tin un “medical team” pa atende cu e pasahero, hasta lo por haci un ‘rapid test’.  Despues e pasahero lo por sigui pa bay Inmigracion. Tin un protocol den caso resulta for di e rapid test cu e pasahero ta Covid-positive. Esnan cu a sinta rond e e pasahero ey lo mester drenta cuarentena.

   En comparacion cu aña pasa, den 2020 lo tin menos turista.
   Mervin Wyatt-Ras a mustra su preocupacion pa loke ta trata e “self-reported health declaration” si esaki ta confiable.   Paso pa bin Aruba e turista por “djis bisa cu tur cos ta bon” y ora yega aki, Aruba lo tin cu haci hopi chekeo riba camera y midi temperatura pa averigua.

   Wyatt-Ras a puntra di cuanto hende e “medical team” y di cual profesionalnan e team ta consisti. A puntra alabes pa protection pa e personal di Inmigracion cu tin cu atende cu pasaheronan y e trahadornan di limpiesa cu prome cu frontera a sera no a haya sosten di nan compania pa bisti proteccion.

   Wyatt-Ras a puntra alabes si lo bisti mondkapje paso tabatin discusion al respecto sin embargo den cantidad di pais ta normal cu ta usa mondkapje. Wyatt-Ras ta haya cu mester por usa mondkapje.

   Wyatt-Ras a puntra alabes con prepara hotelnan ta y en especial trahadornan. Paso den hopi ocasion dunadornan di trabou ta na altura di un procedura pero no ta pase door pa e trahadonan. Segun contesta di e minister e protocolnan pa trahadornan lo ta alabes ariba e website di arubacovid19.org

  Wyatt-Ras a expresa alabes su preocupacion pa loke ta trata Fondo FASE y e hecho cu tin un cantidad di persona cu no a ricibí pago ainda di 950 Florin di FASE. Aki por a ser informa cu lo ‘versoepel’ un que otro pa wak si mas persona lo por bin na remarca pa haya yudansa, ademas lo mester yuda zzp’ers.

   Wyatt-Ras ta haya necesario pa habri frontera, specialmente debi cu economia ta depende grandemente di turismo sin embargo na mesun momento nos mester proteha turista y tambe e ciudadanonan. pa
salvaguardia salud di nos pueblo ta nos mester carga esaki y ta nos mester keda sobrevivi riba e pais aki.

 

- Advertisement -

DUNA COMENTARIO

Please enter your comment!
Please enter your name here