Home Tempo Nubia denso di stof di Sahara ta cubriendo Caribe

Nubia denso di stof di Sahara ta cubriendo Caribe

80
0
SHARE
- Advertisement -

Aviso pa boto chikito a wordo cancela

ORANJESTAD (AAN):  Departamento Meteorologico Aruba ta indica cu den e proximo oranan aire relativamente seco den region local lo stroba mayoria di desaroyo di nubianan cu por produci awacero.

Stof di Sahara basta concentra den henter area di Caribe lo obstaculisa visibilidad durante e proximo dianan. E concentracion aki lo baha gradualmente durante e di dos parti di siman.

Personanan cu dificultad respiratorio y alergia mester tuma esaki na cuenta.

Condicionnan maritimo/ estado di lama:

Un estado di lama modera ta wordo spera pa proximo 24 ora. Olanan lo ta for di oost entre 4 pa localmente 7 pia. E olanan di mas halto ta na e partinan oost te noordwest.

Aviso/ alerta:

E aviso pa boto chikito a wordo cancela. Sinembargo, ta suplica ocupantenan di boto chikito pa bai cu cautela riba lama habri, especialmente na e partinan oost te noordwest di costa.

Fenomenonan special:

Un nubia denso di stof di Sahara ta cubriendo Caribe; esaki lo disminui gradualmente den e di dos parti di e siman aki.

Tempo tropical significante:

Depresion subtropical nr 4 a crece den forsa y a bira Tormenta Tropical Dolly. Dolly tabata move riba Oceano Atlantico zuid-zuidoost di Halifax, Nova Scotia.

E sistema aki no ta di relevancia pa area di Caribe.

Potencial di awacero pa proximo 24 ora: menos di 1 mm; localmente esaki por varia.

- Advertisement -

DUNA COMENTARIO

Please enter your comment!
Please enter your name here