Home General Noticia di dos caso nobo di Covid-19 a cay den masha mal...

Noticia di dos caso nobo di Covid-19 a cay den masha mal tera den nos comunidad

99
0
SHARE
- Advertisement -

ORANJESTAD (AAN) – Diferente ciudadano den comunidad a keda, no solamente sorprendi sino tambe preocupa cu tin dos caso nobo di Covid-19 na Aruba, apesar cu nan tabata den cuarentena. Esaki sigur a cay den masha mal tera.

    E pregunta cu a surgi ta, ta cuanto hende mas nan por a contagia? Y tambe ki control gobierno ta bay eherce den e caso aki, pasobra dos hende so por cuminza un contagio grandi.

    Hopi hende na Aruba ta haciendo manera nada mas no ta sosode, siendo cu e situacion causa pa e pandemia aki, leu di wordo reduci ta aumentando y sigur cerca di nos region. Ta comprendible cu e economia mester restart, y diferente persona mester por reintegra na trabao, pero tambe ta asina cu si mas hende ta haya e virus, na dado momento hopi hende lo mester keda cas sin por sigui traha, y kizas atrobe lo tin hende cu mester ocupa e Unidad di Cuido Intensivo.

    E noticia aki a cay manera un baña di awa frio pa hopi ciudadano. Y no ta keda otro cu spera y pidi Dios, pa esaki no tin consecuencianan drastico pa nos pueblo, of en todo caso, cu por controla cualkier situacion nobo cu por presenta.

 

- Advertisement -

DUNA COMENTARIO

Please enter your comment!
Please enter your name here