Home Salud “Nos tin 0 caso activo, pero no mester lubida cu tin mas...

“Nos tin 0 caso activo, pero no mester lubida cu tin mas cu 160 persona den cuarentena”

191
0
SHARE
- Advertisement -

Dr. Myron Genser:

ORANJESTAD (AAN): Dialuna durante un conferencia di prensa na DVG Dr. Myron Genser a papia riba locual a wordo haci den luna di Mei.

El a splica cu SVB a organiza diferente session riba e protocolnan cu ta vigente na Aruba.

“Nos a papia cu diferente grupo di trahador riba e protocolnan na trabao na e diferente negoshinan y tambe nos a papia riba e protocol di profesionnan di contacto”.

“En total nos a ricibi mas cu 500 persona na e diferente  training y session, pa asina ora cu nan habri e trabao ta mas safe posibel pa cada un di e clientenan cu lo bay na e lugar”, segun Genser.

El a splica cu ora cu lugarnan a habri bek, el a ripara cu hopi lugar na Aruba hopi hende a aglomera.

Segun e docter, el a haya esaki hopi lamentable, pasobra tur hende a wordo pidi pa mantene e distancia social for di otro y pa mantene nan mes na e medidanan di higiena.

“Ta berdad cu na e momentonan aki nos tin 0 caso registra di COVID-19, pero tene cuenta cu e hecho cu nos tin mas cu 160 persona ainda den cuarentena”.

“Mester tene cuenta tambe cu e hecho cu nos no sa si tin hendenan eyfo cu tin Coronavirus, pero no ta registra”, segun Genser.

El a sigui bisa cu el a ripara cu oficina di calamidad tambe ta preparando pa un di dos ola, unda cu e idea ta pa traha riba esaki pa evita cu Aruba haya un ola.

E intencion ta pa si Aruba habri bek pa turista y resulta cu tin casonan di contagio, pa nos haci tur lo posibel pa mantene e cifranan hopi abao.

Pesey mester traha hunto y mester mantene nos mes na e medida y protocolnan cu tin.

“Na Luna di Juni SVB hunto cu mas partner ta bay cuminza cu un siguiente fase, unda cu ta bay realiza bishita na diferente lugar, pa asina por monitor cu e lugarnan aki ta mantene nan mes na e protocolnan y e reglanan vigente”, segun Genser.

- Advertisement -

DUNA COMENTARIO

Please enter your comment!
Please enter your name here