Home General “Nos comportacion ta bay determina e resultadonan di mayan”

“Nos comportacion ta bay determina e resultadonan di mayan”

91
0
SHARE
- Advertisement -

ORANJESTAD(AAN): Director di Directie Natuur en Milieu (DNM) Gisbert Boekhoudt Diamars durante un conferencia di prensa a papia riba e importancia di cuida nos naturaleza y medio ambiente.

“Awor cu nos ta riba rumbo pa desaroya Aruba atrobe, nos ta bay uza naturaleza como fundeshi pa nos desaroyo. Den pasado esey no a tuma lugar”.

El a agrega cu, “COVID-19 a mustra nos cu nos mester enfoca riba e servicionan cu nos ta brinda”.

“Awor cu tin hendenan cu ta bay bin bek nos isla, nos mester pensa riba cuanto hende Aruba por carga, pa ken nos tin cu desaroya proyectonan y kico nos ta bay desaroya”.

“Si nos destina un tereno pa vivienda, bo no por traha un hotel eynan”.

“Si nos destina e tereno pa un refineria, bo no por tin agricultura eynan”.

“Pesey pa basta tempo hunto cu DIP, DOW e ministerio y e otro diensten, nos a yega na un harmonizacion den e ROP y ROPV”, segun Boekhoudt.

El a sigui bisa cu naturaleza ta un parti di esaki, esta un fundeshi.

Segun e director di DNM un recurso natural importante cu nos tin ta santo blanco, cu no a cay for di cielo.

“E santo blanco ta bin for di laman y nos tin cu cuide”.

“Mas cerca di laman cu nos bay, mas blanco e santo ta”.

“E santo mas leu ta santo mas shinishi, pasobra tin obhetonan den dje cu no ta di naturaleza”, segun Boekhoudt.

El a indica cu si nos no cuida esaki, e turistanan no ta bay balore mescos cu nos.

Boekhoudt a splica cu apenas algun aña pasa Eagle Beach tabata wordo considera e beach mas bunita di mundo, pero cu actualmente nos a over desaroya e beach aki caba.

“Na 1999-2000 tabata tin un discusion caba riba capacidad di carga, pero Aruba no a actua debidamente riba esaki”.

“Nos a desaroya dimas, pues nos a surpasa e carga”.

“Awor ta nos comportacion ta bay determina e resultadonan di mayan”, segun e director di DNM.

 

 

 

- Advertisement -

DUNA COMENTARIO

Please enter your comment!
Please enter your name here