Home Gobierno No ta husto pa pueblo di Aruba haya su mes awor den...

No ta husto pa pueblo di Aruba haya su mes awor den esaki debi na problemanan di comunicacion

540
0
SHARE
- Advertisement -

Prome Minister:

ORANJESTAD (AAN): Dialuna durante un conferencia di prensa di Gobierno, DIARIO a puntra Prome Minister Evelyn Wever Croes kico e ta pensa di e motibonan cu partido POR a duna pa Minister di Infrastructura, Medio Ambiente y Desaroyo Teritorial Marisol Lopez Tromp retira di su funcion.

DIARIO a puntra e mandatario si e motibonan ta motibonan valido pa exigi retiro di un minister.

“Pa mi ta hopi sincero, mi ta purba di compronde e motibonan cu ta wordo treci pa dilanti y mi ta compronde cu hopi tin di haber cu e area di comunicacion”, segun Wever Croes.

El a indica cu el a yega na e conclusion cu ora cu tin problemanan den comunicacion of con hende ta trata otro y ta tene cuenta cu otro, ta cosnan cu tin cu wordo atendi internamente.

“Mi no ta kere cu ta husto pa pueblo di Aruba awor haya su mes den esaki debi na problemanan di comunicacion”, segun e mandatario.

DIARIO a enfatiza cu si bin un mocion di desconfianza, ta Parlamentarionan di otro partidonan tambe tin cu bay determina si un minister por keda den su funcion of no, pasobra el a haya problema cu su partido.

Esaki siendo cu central pa gobernacion ta interes di e pais, mas cu e interes di un partido.

Prome Minister a splica cu naturalmente cada parlamentario lo haci su evaluacion y cu Gobierno no por interferi den esey.

“Mi ta sigur cu e parlamentarionan lo haci nan evaluacion a base di loke ta husto y loke ta importante”.

Mi tin cu bisa si cu lo mi haya lamentable pa mey mey di e crisis e parlamentarionan tin cu bay kibra nan cabez riba e asunto aki, siendo cu tin varios asunto cu mester wordo atendi cune.

Nos tin leynan nobo pa pasa incluyendo un ley pa  calamidad, mientras cu nos tin cu bin cu cambionan den presupuesto y salarionan di empleadonan publico.

Nos tin cu bin tambe cu e Wever Croes norm.

Eseynan ta cosnan cu un Parlamento mester ta kibrando su cabez riba dje aworaki, segun e mandatario.

El a haci un apelacion na simpatizantenan y conseheronan di POR pa pone interes general di Aruba na prome lugar.

- Advertisement -

DUNA COMENTARIO

Please enter your comment!
Please enter your name here