Home Social Nico Luydens di De Wit & Van Dorp Stores a baha cu...

Nico Luydens di De Wit & Van Dorp Stores a baha cu pensiun

208
0
SHARE
- Advertisement -

ORANJESTAD (AAN): Despues di 48 aña den servicio,  De Wit & Van Dorp Stores a informa cu e conocido Nico Luydens ta bay cu pensiun.

   Nico a cuminsa su carera na Van Dorp den Caya Grandi  hunto cu Frans Heemels y Georg Aal.

   Na aña 2000, Van Dorp a worde tuma over door di De Wit Stores y asina Nico a haya e responsabilidad di maneha tur e libreria nan. Pa hopi aña Nico tabata e cara di Van Dorp Dakota unda e tabata hopi stima cerca su cliente nan y sin lubida su coleganan.

   Na aña 2015 Nico a tuma un otro rumbo den su carrera y a bay Oficina principal na unda el a keda encarga cu pedidonan pa tur e libreria.

   DIARIO a compronde cu Nico mester a baha cu pensiun 7 aña pasa, pero e compania ta hopi agradecido cu el a keda traha te awor cu nan.

   Apesar di tur esaki, a bira momento cu awor si Nico ta bay disfruta di su pensiun bon mereci. Nico ainda tin hopi planes di loke e kier haci den futuro y  manera e mes ta bisa “Mi no ta bay keda sinta na cas”.

   De Wit & Van Dorp ta hopi agradecido pa tur su añanan di servicio y lealtad, y nan ta desea Nico hopi prosperidad y bon salud pe aña nan venidero.

 

- Advertisement -

DUNA COMENTARIO

Please enter your comment!
Please enter your name here