Home Cultura Museo Arqueologico a duna aporte na e buki nobo di dr. Luc...

Museo Arqueologico a duna aporte na e buki nobo di dr. Luc Alofs

100
0
SHARE
- Advertisement -

OANJESTAD (AAN): Dr. Luc Alofs actualmente ta docente universitario  na Universidad di Aruba y di Curaçao.  E ta conoci pa investigacion y publicacionnan cu ta regarda historia y realidad social politico di Aruba.  Por menciona Ken ta Arubiano (cu L. Merkies), Plantage zonder Slaven, Onderhorigheid en Separatisme.

   Su ultimo publicacion  ta “Koloniale mythen en Benedenwindse feiten, Curaçao, Aruba en Bonaire in inheems Atlantisch Perspectief, ca. 1499-1636”.   E obra aki ta explora e asina yama periodo Spaño di  Aruba, Bonairo y Curaçao y e mitonan colonial describi for di perspectiva Europeo di e habitantenan indigina.  Den e publicacion ta deconstrui e mitonan colonial documenta y ta presenta otro perspectiva historico decolonisa.

   Museo Arqueologico Nacional Aruba (MANA) a duna su aporte pa medio di arkeologonan drs. Raymundo Dijkhoff y drs. Harold Kelly kendenan a yuda forma puente entre arkeologia y historia.

   Tambe MANA a pone potretnan na disposicion pa e publicacion. Como muestra di gratitud dr. Luc Alofs a haci entrega di un ehemplar di e publicacion na director interino di MANA, mr. drs. Pancho Geerman.

   Desde siman pasa e buki ta obtenibel gratis online via e cas editorial Sidestone Press (sidestone.com) y e seccion Arubiana/Caribiana di Bibiloteca Nacional Aruba.

- Advertisement -

DUNA COMENTARIO

Please enter your comment!
Please enter your name here