Home General Misterio barco cu a disparce ainda bou investigacion

Misterio barco cu a disparce ainda bou investigacion

583
0
SHARE
- Advertisement -

Acuerdo Citgo tabata un vinculo entre Aruba y Nicolas Maduro 

*Un motibo importante pa estado di alerta den region di Aruba

*Conexion cu Nicolas Maduro tabata base acusacion contra Aruba

ORANJESTAD (AAN) — E desaroyonan a tuma luga durante e lunanan, cu mundo y tambe Aruba, tabata na careda pa motibo di e coronavirus nobo.

E atencion cu ta wordo dedica na e suceso a bay perdi pa Aruba, cu a wordo directamente menciona den e misterio di e barco Aldan, cu sin mas a disparce na caminda di Trinidad pa Sint Eustatius.

 Aruba a wordo acusa di tabata e destinacion di e barco, cu mester a kibra e medidanan di Merca contra regimen Nicolas Maduro na Venezuela.

Manera ta conoci Merca a impone medidanan contra transportacion di petroleo y productonan petrolero pa Venezuela, loke a bira base tambe pa e tension mundial di entrega di gasolin dor di barconan Irani na Venezuela recientemente.

Pa publico awor por resumi e misterio y e situacion serio den cual Aruba a wordo hinca, mester bolbe na maart ora atencion total di Aruba tabata dirigi riba e coronavirus nobo.

Na Venezuela e atencion di Nicolas Maduro tabata dirigi riba e necesidad pa petroleo, cu e tin problema pa refina debi na e medidanan di Merca. Den e haf di Amuay tabata tin e barco Andan, cu ta nabega bou bandera di Liberia.

E barco a bandona Venezuela pa bay atende un contracto di ES Euro Shipping di Wilmer Ruperto, cu a haci transportacion di productonan petrolero di Venezuela un negoshi cu a produci capital pa su persona.

E ta conoci pa su lasonan cu Nicolas Maduro y Hugo Chavez, lidernan di e pais socialista Venezuela.

E barco Aldan a bandona Trinidad, cu 150 Mil tonelada di azeta cu lo mester a bay Sint Eustatius manera despues a wordo bisa pero segun prome informacionnan lo tabata destina pa Aruba.

Pa Trinidad e situacion lo tabata fastioso, pasobra el a ricibi bishita di e Vice Presidente Chavista di Venezuela na Maart. E gobierno di Trinidad no a rechasa e regimen di Nicolas Maduro como gobierno oficial di Venezuela.

Den e contracto pa transportacion di e cargamento tabata tin mencion di e hecho cu e cargamento hamas mester a cay den man di Nicolas Maduro. Un asunto importante pa Trinidad, cu no a tuma un posicion manera otro paisnan den Caribe den e conflicto na Venezuela y tambe tin lasonan cu Merca.

Nada lo a pasa si e barco a yega Sint Eustatius, pero di a resulta cu e barco a disparce despues cu el a paga e aparato cu ta haci posibel pa sigui su biahe riba e instrumento AIS.

150 Mil tonelada di petroleo a disparce pero Aruba a haya su mes den un problema grandi pasobra Aruba a wordo señala como e pais cu lo mester a ricibi e petroleo.

Kico a pasa cu e barco, te awe no ta conoci. El a disparce y bira un misterio total cu awe tin atencion total di autoridad mientras oficialmente e buskeda ta sigui.

Ta wordo pensa cu el a wordo desvia pa Venezuela pero no tin confirmacion.

Reino Hulandes a interveni pa splica cu ningun momento Aruba tabata spera e barco ni e cargamento di azeta.

Den e situacion di e coronavirus nobo, nunca e misterio a haya claridad ni tampoco e hecho cu Aruba a wordo considera pais di destinacion di e cargamento.

Informantenan clave ta sigui mustra DIARIO cu Aruba no por lubida e incidente aki pasobra si nomber di Aruba a wordo menciona ta pasobra Aruba a firma e acuerdo Citgo cu Nicolas Maduro cu tabata un persona ya controversial.

Gobierno di Aruba despues a rechasa e regimen Maduro y hunto cu Reino a dicidi cu ta Guaidó ta presidente, pero e acuerdo cu Citgo a trece relacionnan directo cu e grupo Chavista cu tabata parti di e scenario di Aruba.

Informacionnan ta mustra cu e barco Aldan ta uno di e motibonan cu na e momento aki vigilancia serio ta sigui den e awanan teritorial di e islanan ABC di parti di Reino y di e paisnan mes.

DIARIO lo sigui traha riba e caso.

- Advertisement -

DUNA COMENTARIO

Please enter your comment!
Please enter your name here