Home Social Mirna Croes a celebra 25 aña di servicio

Mirna Croes a celebra 25 aña di servicio

243
0
SHARE
- Advertisement -

ORANJESTAD (AAN) –  Recientemente Mirna Croes a cumpli 25 aña di servicio trahando na Brown Advocaten. Mirna a cuminsa traha dia 1 di juni 1995 cerca Brown Advocaten den departamento administrativo.

Mirna ta hopi aprecia pa tur su coleganan. E ta un colega ameno, cu hopi pasenshi, semper cu un sonrisa y profesional.

Durante 25 aña el a demostra cu semper e ta cla pa yuda den henter e organisacion.

Partners di Brown Advocaten ta gradici Mirna pa su 25 añanan di servicio y dedicacion pa su trabou y ta desea pa traha hunto pa hopi aña mas.

Mirna y su coleganan a celebra su aniversario  durante un anochi ameno na Goshen Farm na Alto Vista, unda nan a participa na un Holistic Cooking Class cu Johanna Stroo. E grupo a cushina hunto varios plato fresco y dushi di berduranan cosecha na Goshen Farms y a repasa y recorda e trayectoria di Mirna na Brown Advocaten.

 

- Advertisement -

DUNA COMENTARIO

Please enter your comment!
Please enter your name here