Home Gobierno Minister Marisol Lopez-Tromp cu reaccion oficial riba ponencia di Partido POR

Minister Marisol Lopez-Tromp cu reaccion oficial riba ponencia di Partido POR

742
0
SHARE
- Advertisement -

ORANJESTAD (AAN):   Dialuna mainta, Minister Marisol Lopez-Tromp a duna un declaracion oficial relaciona cu e ultimo desaroyonan den partido POR.

Lopez-Tromp a scoge duna su declaracion na pia di Hooiberg, den naturalesa, teniendo cuenta cu distancia fisico pero tambe den naturalesa cu ta cay bao di su cartera di Medio Ambiente, a bisa.

El a indica cu siman pasa, diabierna, el a ricibi un carta di parti di Partido POR y firma pa Andin Bikker, na nomber di directiva.

Den e carta aki, manera cu Bikker a menciona den su rueda di prensa cu el a tene e mainta ey, el a indica diferente punto cu partijraad lo a dicidi y cu a conduci na e carta cu a wordo manda p’e y cu ta bisa cu nan lo a perde confiansa den su persona.

Tambe den e carta ta bisa cu ta pone e funcion di minister na disposicion of pa baha como minister y dunando un deadline di no mas tarda cu 8 di Juni 10’or di mainta. Y na mesun momento a pidi Lopez-Tromp pa no firma nada ningun documento como minister.

Marisol Lopez-Tromp a expresa cu na prome lugar, scuchando e rueda di prensa di siman pasa, y reflehando riba su contenido, pero pa e motibo di tin un acuerdo di gobernacion, cu desde cu el a asumi e responsabilidad y a huramenta como minister di e gabinete Wever-Croes, e por bisa cu esaki a sosode no solamente a base cu e partido a propone su persona pa esaki.

E tabata lider di fraccion di POR den Parlamento y el a wordo pidi pa asumi e funcion di minister pasobra e otro minister tabata tin un kebrante di salud y el a considera cu esey tabata motivo pa por a retira. Consecuentemente a acerca su persona pa e funcion di minister y tambe Ser. Bikker pa continua cu e liderasgo, a señala.

E mandatario a sigui bisa cu prome cu el a bira minister el a pasa un periodo di screening riguroso. El a pasa e screening aki cu ta encera un cantidad di aspecto cu ta wordo evalua riba diferente area pa por ta apto pa cubri e funcion di minister.

“Kiermen no ta sin mas, di un anochi pa mainta y no ta sin mas cualkier persona awendia por subi e funcion aki”, a remarca.

El a agrega cu pueblo por ta sigur cu na momento cu el a huramenta dilanti di gobernador y el a haci esaki despues di a pasa henter e periodo pa por bisa cu e ta ministeriabel.

A sigui bisa cu e tin 23 aña den politica y den e ultimo eleccion, un bes cu gobierno a sinta, ta cu ora cu ta cera acuerdo di gobernacion, un di e aspectonan mas cardinal cu prome minister di pais Aruba a enfatisa riba dje tabata e parti di tin un bon gobernacion y e cuadro di integridad cu e gobernacion mester tin y cu mester cumpli cu ne. No ta por nada cu a lanta un bureau di integridad, e remarca.

Bisando esey, a señala, cu ora cu el a asumi e responsabilidad, den e prome dia di gobernacion, el a haya su mes confronta cu hopi reto y ainda esey tambe ta e caso.

Tur reto, el a traha den un forma integro y teniendo cuenta cu e proceduranan di bon gobernacion.

 

  

- Advertisement -

DUNA COMENTARIO

Please enter your comment!
Please enter your name here