Home General MetaCorp cu donacion di articulonan di baby na FPNC

MetaCorp cu donacion di articulonan di baby na FPNC

86
0
SHARE
- Advertisement -

ORANJESTAD (AAN): Eddie de Veer di MetaCorp tabata na Centro Kibrahacha pa entrega un cargamento grandi di productonan pa baby, un necesidad urgente pa Fundacion FPNC, como nan tabatin scarcedad di productonan di baby pa por yuda personanan den necesidad. 

Gianaika van der Biezen di FPNC a revela recien cu nan tin scarcedad, y e ora e compania MetaCorp a duna un man.  Pero envez cu MetaCorp a duna placa, nan mes a bay haci compras pa asina reduci e trabao di e Fundacion mes ta haci. 

Agencianan local a yuda y MetaCorp na final a aporta cu 15 mil Florin na productonan pa baby.  A haci donacion di cuminda pa baby, pampers, wipes, lechi, productonan escencial cu un baby entre 0 pa 2 aña ta uza.

   Ta estima cu 60% di esunnan registra na Fundacion pa nos Comunidad tin mucha den famia. E cantidad aki ta basta halto y p’esey e necesidad di productonan di mucha ta halto.

“Un danki special na MetaCorp cu semper ta disponibel pa yuda nos den tur forma, den tur manera,” asina Gianaika van der Biezen a expresa.  Eddie de Veer a expresa cu nan compania ta solidario cu comunidad pasobra nan ta sigur cu despues di e crisis aki, cu manera semper, Aruba lo sali mas fuerte, mas solido y mas miho cu nunca!

- Advertisement -

DUNA COMENTARIO

Please enter your comment!
Please enter your name here