Home Parlamento Mester ta cauteloso cu castigo minimo

Mester ta cauteloso cu castigo minimo

22
0
SHARE
- Advertisement -

Parlamentario Endy Croes:

ORANJESTAD (AAN): Parlamentario Endy Croes ta amplia riba un tema actual den boca di  pueblo esta un Ley di castigo minimo pa esnan cu comete abuso contra mucha.

Manera a splica promer cu esaki cu diabierna ultimo Parlamento a aproba e aumenta di e castigo maximo den caso di violacion di 12 pa 15 aña.

A splica cu esaki ta prome pasonan di diferente recomendacion pa asina bringa e fenomeno di entre otro abuso di mucha. Loke hopi hende a trece dilanti dicon no a bini cu un ley pa reglamenta un castigo minimo pa abusadornan y awe lo splica e motibonan riba esaki.

Ley di Castigo Minimo a haya Dictum 5 na Raad van Advies:

Parlamento anterior desde 2010 a traha riba un concepto di ley cu e pensamento pa introduci un castigo minimo pa esnan cu comete abuso contra mucha.

E concepto di ley aki no a haya un bon conseho di Raad van Advies. Desde 2018 partido partner den Coalicion a sigui traha riba esaki  y a encamina e proceso di nobo pero e ley di castigo minimo presenta  a haña un Dictum 5 di Raad van Advies como resultado.

Kico esaki ta encera? Un Dictum 5 di Raad van Advies riba un concepto di ley kiermeen cu Bo no por presenta e ley aki na Parlamento. Raad van Advies ta duna Dictum 1 te cu 5 es decir un 5 kiermeen cu practicamente mester hasi hopi cambio of redraft e ley por completo.

Kico ta e argumentonan di Raad van Advies:   

Raad van Advies su agrumentonan pa cu un ley di castigo minimo ta lo siguiente. Nan precupasion ta cu e magistrado esta e Hues lo bay pensa dos biaha si e ta duna e castigo minimo of bay over na vrijspraak.

Esaki ta condusi cu sea Bo ta bay sera por ehempel si e ley di castigo minimo ta stipula  4 aña minimo, es decir Bo ta bay sera  4 aña of sea Bo ta sali liber. Pues Hues no tin otro choice.

Pues un sospechoso por wordo condena na 4 aña cu un ley di castigo minimo asina sin kisas cu berdaderamente e ta culpabel of visa versa un sospechoso cu enrealidad ta culpabel por haña vrijspraak y keda den libertad si Hues no a wordo suficientemente convensi.

Hardheidsclausule al estilo Hulanda: 

Awor ta evaluando pa bin cu un hardheidsclausule al estilo cu Hulanda a introduci den un wetsontwerp na 2012. Esaki ta duna e magestrado esta un Hues e posibilidad dado caso cu pa rasonan cu e Hues ta sinti cu no por aplica e castigo minimo cu e ley ta prescribi e por desvia di esaki dunando menos castigo cu e castigo minimo.

Lo mester bin cu un grondregel unda cu bon argumentacion bij hoge uitzondering lo desvia di e Ley. Algo asina kisas por contruibi pa e futuro Ley di castigo minimo por slaag na Raad van Advies cu un mihor Dictum y wordo presenta na Parlamento.

Parlamentario Croes kier ilustra cu ta trahando riba esaki tambe pero esaki no kiermeen cu introducion di un ley asina nos a logra e obhetivo final. Manera a bin ta bisa ta un serie di cosnan hunto nos tur mester hasi pa logra proteha nos muchanan. Corda cu 90% e acto ta wordo cometi di un hende serca di e famia.

Evalua Castigo Minimo riba recidivista:

Desde 2010 y alaves na 2016 a bini recomendacionnan di diferente trabounan hasi pa varios comision riba e tema aki pa introduci castigo minimo riba recidivista.

Pues un persona cu den pasado a wordo condena pa un crimen similar y bolbe cay den man di husticia cu e persona ey si ta bin inmediatamente na remarke pa e castigo minimo di acuerdo cu un futuro ley.

Pues terminando ta bon pa keda splica pueblo cu ta trahando riba hopi cos pareu pa frena e parti di abuso di mucha pero no solamente ley(nan) lo resolve e problema al instante pero ta un trabou den conhunto involcrando tur hende.

Cuminsando cu programanan di prevencion desde cas y school, back office bon equipa cu vertrouwenarts, psicologo, zeden politie, camara room, rape test. Kibra e taboo y tin e curashi pa entrega keho mesora “tijdelijk” di casonan asina.

Un investigacion profundo y corecto door di profesionalnan den combinacion cu prueba y un bon rapport ta di vital importancia. Asina nos por logra baha casonan di abuso y alaves haya condenanan halto pa esnan culpabel.

- Advertisement -

DUNA COMENTARIO

Please enter your comment!
Please enter your name here