Home General Merca a deporta 58 Dominicano riba un solo avion bek pa e...

Merca a deporta 58 Dominicano riba un solo avion bek pa e pais

237
0
SHARE
- Advertisement -

ORANJESTAD (AAN): Gobierno di Merca a deporta Diamars, un total di 58 Dominicanonan riba un vuelo di deportacion.

   E 58 personanan aki ta hendenan cu tabata cera den diferente prison na Merca, pa diferente crimen y delito, y esaki a pone cu e total di hende deporta e aña aki a bira 546 Dominicano.

   E avion cu e 58 Dominicanonan aki, tabata consisti di 56 homber y solamente 2 muher, y a ateriza na Aeropuerto Las Americas mey-mey di medidanan estricto di seguridad.

   E Dominicanonan aki a cumpli cu nan condena na diferente estado na Merca, pa caso di narcotrafico, asesinato, labamento di placa, abuso sexual, fraude bancario, y demas crimen y delito.

    E avion cu e hendenan deporta aki, a wordo ricibi door di funcionarionan di Inmigracion y di Airport Security, agentenan di Cuerpo Special di Seguridad di Aeropuerto (CESAC) y di e compania Aerodom.

   Como medida di seguridad, e Dominicanonan a bin escolta pa miembronan di Customs and Border Patrol (CBP) di Merca, ICE, y tambe di Marshall Agents.  Na yegada, cada uno a wordo someti na chekeo medico, a tuma nan temperatura, y a pone nan tur den cuarentena.

 

- Advertisement -

DUNA COMENTARIO

Please enter your comment!
Please enter your name here