Manual stranhero pa eleccion 2021 na Aruba

    866
    0
    SHARE
    - Advertisement -

    DIARIO cu asistencia di expertonan internacional ta investiga

    *Den crisis financiero mundial explosivo a habri campaña 2021

    *Proceso electoral for di juni 2021 por ta pio cu proceso 1983

    ORANJESTAD (AAN) — Mientras e coronavirus ta tene e Arubiano ocupa cu cantidad di desaroyo cu hende no por domina, DIARIO a continua cu su vigilancia di desaroyonan politico.

    Na juni 2021 e proceso electoral cu lo mester conduci na eleccionnan na September 2021 lo haya su inicio cu registracion di e participacion di partidonan, cu na Augustus 2021 lo mester presenta nan candidatonan.

    E cuadro di ley di Aruba ta dicidi riba e transcurso democratico di eleccionnan, cu ta keda asunto politico den cual partidonan politico lo mester guia pueblo pa votacion segun nan presentacionnan den campaña.

    Lo mester traha riba e programa di partido cu lo presenta na pueblo y mester influencia e decision cu pueblo lo tuma na urna electoral.

    DIARIO for di inicio di 2020,  DIARIO a anuncia prome cu entrada di Covid-19 cu eleccion 2021 lo influencia situacion na Aruba na 2020.

    Informantenan experto di DIARIO a adverti pa e situacion na Aruba, cu nunca a conoce un trankilidad despues di eleccion 2017 pa diferente motibo.

    Segun guia experto cu DIARIO tabata tin for di 2018, e caminda pa eleccion di 2018 pa 2021 lo tabata consisti cu pasonan pa evita cu berdadnan importante cu tabata scondi pa Aruba, lo a bini dilanti.

    Ta den e cuadro aki DIARIO a wordo guia pa investiga y analisa tur rapport cu a mira luz for di 2009, ora Aruba a drenta un periodo cu a deshaci di e Status Aparte di Aruba, manera DIARIO a adverti continuamente.

    Informantenan a sostene DIARIO cu a kibra e realidad scondi di e proyecto Citgo pa asina a prepara Aruba pa loke a bira realidad.

    Algemene Rekenkamer Aruba a presenta e rapport di mayor importancia pa Aruba. Den e rapport oficial aki a wordo splica con e Parlamento cu a sostene gobierno anterior for di 2014, a permiti abuso di placa di Aruba y a contribui na e creacion di e fondo pafo di presupuesto (y asina incontrolabel) di 1.6 Biyon.

    Rapportnan oficial di 2009 pa 2017 den cual e base financiero di Aruba a wordo destrui, a wordo presenta na pueblo di Aruba.

    Di parti di e partido di oposicion cu tabata na mando entre 2009 pa 2017 no tabata posibel pa desmenti informacionnan basa riba berdad di DIARIO cu a indica con pa e partido cu tabata den gobierno di 2009 pa 2017 tabata importante pa evita cu Aruba lo a conoce berdadnan prome cu eleccion 2021 y tabata forsa eleccion prome cu 2021.

    Baha gobierno segun informantenan tabata tactica di asistencia di expertonan stranhero, activo den e preparacion di mobilisacion pa campaña 2021, den cual a todo costa mester a trata di tumba gobierno Evelyn Wever-Croes pa e forma cu awe e partido cu tabata forma gobierno anterior mester defende su mes prome cu 2021.

    Informantenan ta adverti DIARIO pa un campaña sin frontera pa den e crisis actual di coronavirus trata ainda na baha gobierno pa evita cu casonan penal cu ta den man di Ministerio Publico y realidad di e situacion financiero di Aruba destrui pa gobierno anterior, culmina.

    DIARIO a wordo informa cu e proceso electoral dilanti porta lo ta pio cu e proceso pa eleccion 1983 cu a bira tragedia grandi pa Aruba despues cu Betico Croes a logra Status Aparte pa Aruba na Hulanda.

    “Aruba mester tene cuenta cu e manual stranhero di expertonan di exterior,” tabata e advertencia cu a wordo lansa na DIARIO, cu den cooperacion cu su informantenan internacional lo sigui presenta tur berdad cu Aruba mester prome cu e dicidi den eleccion con e maneho gubernamental di Aruba den futuro lo ta.

    Ya DIARIO a adverti pa un caida total di nivel politico y creacion di un caos, cu segun informantenan pues lo por supera e desastre politico hororoso cu Ariba a conoce na 1983.

     

     

     

    - Advertisement -

    DUNA COMENTARIO

    Please enter your comment!
    Please enter your name here