Home Enseñanza Maestronan di Colegio Arubano kier pa directiva entrega nan retiro inmediatamente

Maestronan di Colegio Arubano kier pa directiva entrega nan retiro inmediatamente

50
0
SHARE
- Advertisement -

ORANJESTAD(AAN): Diaranzon merdia maestronan di Colegio Arubano a drenta den accion dilanti di e scol. DIARIO a entrevista Vilma Lardy, kende ta un di e miembronan di e comision di maestronan di Colegio Arubano.

El a splica cu e tin 34 aña trahando na e scol, despues cu den pasado e tabata tambe alumno di Colegio.

“Como maestro mi voz semper ta resona riba speelplaats di Colegio Arubano, pero awe mi kier pa mi voz y e voz di gran mayoria di e maestronan di Colegio Arubano resona pafo di e scol, esta den full comunidad di Aruba”, “Manera boso ta mira, awe Colegio Arubano ta di luto”.

“Awe cu yen tristeza nos ta para dilanti di e scol cu nos tur como  maestro y otro trahadornan di Colegio Arubano ta stima”, segun Lardy.

El a splica cu e maestronan ya pa algun aña a keda den silencio, pa asina no afecta e enseñanza di e alumnonan.

Segun Lardy, e maestronan semper tin e bienestar di nan alumnonan na pecho y cu ta pesey e ultimo recurso cu maestronan lo uza ta bay den accion.

“Na dado momento nos mester resona nos voz pa nos haya oido”.

“Un mayoria grandi di e maestronan y otro empleadonan ta indica awe un gran disgusto cu kico ta pasando na nos scol”.

“Apenas dos aña despues cu Colegio Arubano a haya un rector nobo el a dicidi di entrega su retiro, pasobra e no por traha cu e directiva actual di e funcion”, segun Lardy.

El a indica cu e maestronan di Colegio Arubano no tin confianza den e directiva cu ta na mando durante ultimo 3 añanan.

Segun Lardy, e maestronan ta di opinion cu e directiva no ta actua na bienestar di e alumnonan.

E docente a bisa tambe cu ta mas cu obvio cu e directiva aki no tin ningun afinidad cu enseñanza tampoco.

“Na mes momento nos ta di opinion cu e directiva no ta transparente den su maneho financiero”.

“Nos ta puntra nos mes di e directiva berdaderamente ta traha pa e scol progresa, of nan tin otro motivacion”.

“Nos no ta mira e maneho actual traduci den e bienestar di enseñanza na nos scol”.

“Cu e accion aki nos kier vocifera nos inkietudnan pa cu e situacion cu ta reinando for di por lo menos 3 aña caba na Colegio Arubano, segun Lardy.

El a indica cu e maestronan kier bisa: “Awor ta basta”.

Segun e maestra, nan a entrega na diferente instancia incluyendo obispado di Willemstad, un carta di desconfianza contra e directiva actual di e fundacion.

Den e carta aki a maestronan a pidi pa e directiva entrega su retiro inmediatamente.

El a splica cu di e manera aki so e trankilidad y e atmosfera ameno por bin bek na Colegio Arubano.

 

- Advertisement -

DUNA COMENTARIO

Please enter your comment!
Please enter your name here