Home Policial Ladron den pickup blanco ta hortando lata di 2×4 riba Watty Vos...

Ladron den pickup blanco ta hortando lata di 2×4 riba Watty Vos Boulevard

886
0
SHARE
- Advertisement -

ORANJESTAD (AAN): Ta parce cu tin hende coriendo Pickup color blanco ta buscando cos di hende pa horta.  Ultimo temponan, a tuma nota di hende den Pickup blanco ta horta klinkers, hende den pickup blanco ta horta generator, y awor un biaha mas ta bolbe horta e latanan di palo riba Watty Vos Boulevard.

   Tabata siman pasa Diabierna cu DIARIO a publica un relato di DOW, cu a denuncia publicamente cu tin hende hortando e latanan di palo aki cu ta sirbi como un sorto di ‘horket’ pa sostene diferente ‘Sabal Palm’ cu a wordo planta mey-mey di Watty Vos Boulevard for di FCCA te na Aruba Airlines.

   DOW ta yama esaki vandalismo, pero nan ta mas bien ladronicia! DOW ta pidi pa no horta e latanan aki di 2×4 aki pa motibo cu e lo por forma un peliger pa automobilista cu ta core entre e rotonde di FCCA y rotonde Aruba Airlines. 

   DI TRES BIAHA:

   Riba Diahuebs pa di 3er biaha, nan a horta e latanan aki.

   Denuncia a worde entrega di ladronicia, parce cu riba Diahuebs, hendenan atrobe den un Pickup color blanco a horta e latanan 2×4 aki.

   Diahuebs pa 3:55 pm, e señora di inicial H. cu ta representa e compania di Landscaping, a entrega denuncia di ladronicia di algun lata 2×4 cu nan ta usa como horket pa e Sabal Palm.

   Nan a bisa, cu tabata banda di 1:00 pm cu un Pickup color blanco cu hende sin cuero di cara, a para eynan y djis gara e latanan y pone nan den baki, y djis sigui core.

   Keho a wordo entrega na Polis.  Un suplica ta bay na cualkier persona cu por a mira e Pickup blanco aki mas di cerca ora cu e ladronnan aki ta garando e palonan aki, pa por fabor yama Tipline di Polis na 111-41.

   Den e area lo mester tin camara di seguridad cu a capta esun of esnan cu a tira para horta den dia cla.

 

- Advertisement -

DUNA COMENTARIO

Please enter your comment!
Please enter your name here