Home General Kier prohibi cierto vehiculo core den Parke pero ta haciendo nada cu...

Kier prohibi cierto vehiculo core den Parke pero ta haciendo nada cu Dump cu ta matando asina hopi parha

44
0
SHARE
- Advertisement -

ORANJESTAD (AAN); Diahuebs atardi, e organizacion di Aruba Offroad Foundation a tene un conferencia di prensa na oficina di SeaBob Aruba den Paseo Herencia, pa asina expresa nan disgusto cu entrante otro siman ta prohibi tur vehiculo di ATV core den Parke Arikok, y entrante 1 di October tambe ta prohibi vehiculonan UTV.

   Na e conferencia tabata presente George Vieira di George Cycle Company, como tambe Jean Carlo Espinal di AGW Tours, Ruell Justina di RockaBeach Tours, Magaly di Action Tours Aruba, y Brandi di SeaBob Aruba.

   E decision nobo tuma pa Parke Arikok, a bini cu medidanan drastico pa no permiti awo ni ATV ni UTV drenta, y trece na peligro e existencia di e companianan.  Pero toch Parke lo sigui  permiti otro vehiculonan di motor mas pisa luz berde pa drenta e parke.

   Jean Carlo Espinal di AGW Tours a elabora riba e discusion presenta dilanti cu Parke ta tumando e decision aki pa defende naturaleza y medio ambiente.  Nan a nota cu e organizacion local cu ta defende Parha tambe a start un guera contra nan.

   Esaki ta algo cu Espinal no ta compronde, pasobra nan ta lucha contra vehiculonan ATV y UTV den Parke, pero e organizacion cu ta defende Parha no ta protesta contra e constante problema y huma cu ta sali for di Dump.  Nan ta mustra cu Dump ta mata hopi parha, pero di con e grupo no ta bay protesta aya?  No tin interest den Dump anto?  Ni di e sushi cu ta bay den awa y mata bida submarino.

   El a splica cu ora ta cumbini cierto hende, eynan so nan ta bay protesta, pero no ta haci esey na otro area.

   E Fundacion di Offroad ta splica cu e companianan aki ta depende solamente di rentals, y nan ta screen e personanan cu ta huur e vehiculo.  Fuera di esey e security-deposit ta hopi caro, esta $500.  Esey nifica cu e persona cu ta bay core e vehiculonan ey lo no bay haci cosnan loco riba caminda, coriendo riesgo di perde su security-deposit.

   Den pasado, e vehiculonan tipo UTV tabata wordo considera como ‘motorcycle’, y no tabatin mester di keur.  Pero diripiente a pone nan bay keur toch y tabata pone nan bao di exigencia pisa.  Esaki kizas a desanima algun compania di keda busca vehiculonan aki nobo, y ta keda core cu esnan bieu.  Siendo cu si acaso a keda considera nan como motorcycle, e companianan local lo a keda busca constantemente vehiculonan nobo pa nan Tour cu nan.

   E Fundacion ta compronde cu Aruba ta conta awor cu 16 area protegi pa naturaleza, pero te ainda nan mes no sa kico lo bay ta e plan den su totalidad.  Aunke nan a pidi, nan no a haya contesta.

   Nan punto principal ta pa sinta y yega na un acuerdo cu tur hende por biba cu ne. Tur e companianan aki ta splica tur nan clientenan unda cu e vehiculonan aki por core y unda no. 

 

- Advertisement -

DUNA COMENTARIO

Please enter your comment!
Please enter your name here