Home Policial Keto bay eventonan publico ta prohibi pa medio di decreto ministerial

Keto bay eventonan publico ta prohibi pa medio di decreto ministerial

258
0
SHARE
- Advertisement -

Vocero di Polis, Lito Lacle:

ORANJESTAD (AAN):  Vocero di Polis, Lito Lacle a duna di conoce cu tin un decreto ministerial cual ta esun number 89 cu ta bisa cu no por organisa eventonan publico. E ta articulo 1.1, bijlage A.

Den bijlage A ta poni e eventonan publico cu no por tuma lugar.

Lacle a remarca cu tanten cu ta prohibi, Polis tin cu traha cu ne.

Den e articulo ta para cu barnan por ta habri te  11 pm, por ehempel. Cada bes cu gobierno di Aruba anuncia algo extra via decreto ministerial, Polis tin cu bay traha cu ne. E trabao di Cuerpo Policial ta traha cu leynan. Manera cu traha e leynan, Polis tin cu traha cu ne, a remarca.

Poco poco mas cosnan ta bay wordo permiti, si e cosnan sigui cana bon. Pesey tin cu keda monitor y tanten cu ta prohibi, KPA tin cu traha cu ne.

El a remarca cu tin boetnan, ceramento di lugar y eventonan por wordo para tambe.

Lito Lacle a bisa cu nan ta na altura di eventonan ilegal cu ta tumando lugar y manera cu nan ta haya sa di esakinan KPA ta actua represivo riba esaki.

Ta depende di pueblo di Aruba pa meld e tipo di actividadnan aki na Centrale Post, number 100. KPA lo actua den un forma represivo, a subraya. 

- Advertisement -

DUNA COMENTARIO

Please enter your comment!
Please enter your name here