Home General Jamaica lo no test ni pone turistanan den cuarentena ora cu frontera...

Jamaica lo no test ni pone turistanan den cuarentena ora cu frontera habri 15 di Juni

126
0
SHARE
- Advertisement -

ORANJESTAD (AAN): Lo no bay tin nada di pre-test, ni ponemento di turista den cuarentena na Jamaica, ora cu e isla habri su frontera bek a viaheronan internacional dia 15 di Juni venidero.  Esey ta e informe cu a sali e siman aki for di e isla.

   Jamaica a cera su fronteranan dia 24 di Maart pa mitiga e brote di Coronavirus, cu a contagia 586 persona, di cual 9 a perde nan bida.  E restriccionnan di viahe a pone monton di Hotel y Guest House pa cera, y a pone como 300.000 trahador den mundo di horeca a perde nan trabao.

   Siman a habri y Prome Ministro Andrew Holness a revela e protocolnan nobo pa turistanan cu yega e isla.  El a bisa cu e isla no tin e recurso humano y capacidad fiscal pa haci e Covid-test na tur tres Aeropuerto Internacional y na e Wafnan.

   Pues no tin placa, y e lo bay ta un peso extra pisa riba e sistema di salud publico.  E no por wordo logra tampoco pa Covid-test vuelonan cu ta yega cu 200 pa 300 pasahero drentando Aeropuerto na mesun momento.

   Sinembargo, Prome Ministro a bisa cu lo bay tin chens pa pasaheronan cu yega, por pidi voluntariamente pa haci e Covid-test.

   Loke si lo pasa, ta cu pasaheronan lo bay pasa via di chekeo di temperatura y un proceso sanitario.  Tanto turista y miembro di tripulacion cu tin un temperatura riba di 38º Celsius, of sintoma estilo griep, lo wordo nota door di trahador sea na Aeropuerto, Hotel, of Atraccion, pa asina nan bay pa haci un test secundario di salud na lugarnan special.

   Tanto Prome Ministro y tambe Ministro di Salud Dr. Christopher Tufton a adverti, cu reapertura di fronteranan di Jamaica lo por causa un aumento drastico atrobe di casonan di Covid-19.

   Algun doño di Hotel cu a tuma nota di e protocolnan nobo aki, ya caba a expresa nan preocupacion na Jamaica, bisando cu nan lo a prefera un sistema di pre-test prome cu e pasaheronan subi avion rumbo pa e isla.

   Nan argumento ta bin despues cu e organizacion di Jamaica Hotel and Tourism Association (JHTA) a pidi pa turistanan demostra un Covid-test negativo di 72 ora prome cu nan yega e isla.

   Pero ta parce cu e capacidad di haci test na Merca no ta disponible tur caminda, pero toch e riesgo di laga nan viaha bin Jamaica, ta un riesgo grandi sin e test, segun un Hotelero di un Hotel na Ocho Rios a bisa.

   Tambe tin indicacion cu Aerolineanan no ta di acuerdo pa nan bay haci pre-test riba tur nan pasaheronan, pasobra e lo por tin consecuencia legal pa nan.

 

- Advertisement -

DUNA COMENTARIO

Please enter your comment!
Please enter your name here