Home General Iran ta dispuesto pa manda mas cargamento di gasolin pa Venezuela

Iran ta dispuesto pa manda mas cargamento di gasolin pa Venezuela

88
0
SHARE
- Advertisement -

ORANJESTAD (AAN): Ministerio di Exteriores di Iran a revela Dialuna, cu nan lo manda mas cargamento di combustible pa Venezuela, si acaso Gobierno di Caracas rekeri esey, no obstante e presion di Merca pa prohibi e tipo di negoshi ey.

  “Si acaso Gobierno Venezolano pidi un cargamento nobo, nos lo mande pa e pais ey,” ta loke e vocero di e Ministerio, esta Abas Musavi a bisa durante un conferencia di prensa.

   El a bisa cu e dos paisnan aki tin derecho pa un comercio liber, pero como cu e Mericanonan ta costumbra na unilateralismo, nan no ta acepte.

   Iran a manda cinco tanker carga cu 245 miyon liter di gasolin cu a yega e Wafnan Venezolano sin incidente, pasobra Washington a adverti e Gobiernonan aki cu nan por haya medida si acaso nan yuda e transporte.

   Pa varios siman, Venezuela a sufri debi na scarcedad di gasolin cu a pone chauffeurnan para den rijnan masha largo mes rond henter e pais pa busca forma di haya algun liter cumpra.

   Desde Dialuna 1 di Juni, gasolin por wordo cumpra bek na Venezuela, pero tin un limite di 30 liter pa cada auto pa dia.  Algun gasoline station ta acepta solamente Dollars como pago.

 

- Advertisement -

DUNA COMENTARIO

Please enter your comment!
Please enter your name here