Home Enseñanza Inscripcion pa 21+ Toets na IPA a habri dia 1 di juni...

Inscripcion pa 21+ Toets na IPA a habri dia 1 di juni 2020

27
0
SHARE
- Advertisement -

ORANJESTAD (AAN): Pa esnan interesa di haci e estudio pa Maestro di Enseñansa Primario y no tin diploma sea di HAVO, VWO OF MBO nivel 4 pero bo tin minimo 21 aña? Ata bo chens!

    Tur persona cu tin desde 1 di september 2021 minimo 21 aña y cu kier haci un estudio na IPA pero no tin e diploma cu IPA ta exigi, ta bin na remarke pa haci e asina yama 21+ Toets.

    E 21+ Toets ta midi si un persona tin e nivel di havo cu ta necesario pa por studia na IPA. Tene na cuenta cu e 21+ Toets ta conta solamente pa e estudio inicial cu IPA ta ofrece

durante aña 2021-2022, esta e estudio pa Maestro di Enseñansa Primario.

   E 21+ Toets ta consisti di 3 materia entre otro; Hulandes, Matematica y Hende y Comunidad.

E test di Hulandes y Matematica lo tuma luga dia 28 di november y Hende y Comunidad dia 5 di december 2020. Si bo pasa e testnan aki cu exito, bo ta bin na remarca pa participa na un trayecto di preparacion pa e test di admision. 

   Pa informacion general di e 21+ Toets bishita e website www.ipaaruba.com. Akinan lo bo haya diferente video cu ta contene informacion di 21+ Toets.

    Ta sumamente importante pa bo mira tur e videonan p’asina bo tin e informacion completo y ta bon informa. Alabes pa bo tin suficiente tempo pa por prepara debidamente y asina engrandece bo chens pa pasa e 21+ Toets cu exito.

   Tur persona cu ta interesa pa haci e 21+ Toets por inscribi online via e website di IPA www.ipaaruba.com desde dialuna dia 1 di juni 2020. Pa por inscribi mester cumpli cu e pago di AWG 80,- y pone como anexo un copia di e comprobante di pago den e formulario digital di inscripcion. 

   E ultimo fecha pa inscribi pa e 21+ Toets ta na november 2020 durante di IPA su Dia Publico. Despues di e fecha aki no por inscribi mas pa por participa na e 21+ Toets pa aña academico 2021-2022. 

- Advertisement -

DUNA COMENTARIO

Please enter your comment!
Please enter your name here