Home General Hamas Serlimar a cumpra e Incinerator di 300 miyon pues tur e...

Hamas Serlimar a cumpra e Incinerator di 300 miyon pues tur e acusacionnan ey ta nonsense

455
0
SHARE
- Advertisement -

Otmar Oduber y e parti falso di denuncia di Fundacion Nos Ta Aruba

ORANJESTAD (AAN): Cada rato pueblo por tende diferente persona ta purba tilda cu bao di Ministro Otmar Oduber, cu Serlimar lo a cumpra un ‘Incinerator’ pa complace amigonan politico, y awor e machine ey ta djis poni na Dump ta acumulando frusto.

   E storia ey a pasa tur caminda.

   Pero e realidad ta, cu nunca Serlimar a cumpra e Incinerator ey.  E machine di 300 miyon hamas a wordo cumpra, simplemente pasobra den e Destaho Publico cu a ser teni, no a haya ningun oferta aceptable pa a haci esey.

   Esey ta un di e puntonan cu ex-Ministro Otmar Oduber a enfatiza riba dje Diamars mainta durante un conferencia di prensa unda el a bari cada acusacion di “Fundacion Nos Ta Aruba” for di mesa.  El a bay punto-pa-punto riba e denuncia.

   Oduber aworaki no ta politico mas, y el a kere cu seis luna pasa ora el a retira, e lo no haye den situacion di ta duna conferencia di prensa pa atende un asunto politico un biaha mas.  E kier recorda tur hende cu Otmar no ta forma parti di eleccion mas na 2021, y cu e no ta politico mas.  Pero e ta haya necesario cu como ciudadano, ora e mira cu e tipo di acto aki ta tuma lugar cu meta politico, ta trata na atacha su nomber y di gran cantidad di otro persona den un keho falso entrega pa Fundacion Nos Ta Aruba door di e representante Michael Williams.

   Oduber a bisa cu e ta kere cu e otro personanan di cual nan nomber a wordo lastra, mes lo bay papia pa defende nan mes.  Pero e mes a analisa tur e denuncia haci, y pesey cu su abogado e lo bay entrega keho contra e Fundacion aki, di lo a haci denuncia falso (‘vals aangifte’), unda ta daña cantidad di nomber di hende y trece nan den luz negativo.

   Mescos cu e Fundacion tin e derecho Constitucional di entrega keho, e tambe awor como ciudadano tin derecho di entrega keho.  Specialmente e grupo ey cu ta papia cosnan cu no ta berdad, e ora bo tin di para responsable pa loke bo kier trece dilanti.

   Segun Oduber, e ta contesta tur 9-punto cu ta wordo cuestiona, y asina tur hende nota con e ta contradeci e acusacionnan aki, pero tambe e nonsense cu tin den e denuncia, y esey ta e motibo tambe pakico el a dicidi pa haci entrega di un keho contra e denuncia falso cu Williams a haci.

   PUNTO UNO:

   E punto uno di e denuncia di Fundacion Nos Ta Aruba, ta papia di e Ley di Serlimar pa cu compra di un Incinerator, un machine pa kima sushi, y un pago ilegal di comision di 20 miyon Florin.  Aki nan ta inclui ‘Bijlage 1’.

   Pero ora bo check e Bijlage 1, no tin ningun prueba, y ningun documento.  Aki Otmar Oduber a bisa cu no tin ningun Incinerator cu a wordo cumpra, pues no por tin ningun ‘pago di comision’ di 20 miyon Florin.  Simplemente un mentira grandi, y awor a entrega denuncia comosifuera hende a cobra comision, siendo cu ningun Incinerator cu a wordo cumpra.

   Oduber a splica cu tabatin un Destaho Publico cu a tuma lugar, dirigi door di un Comision di Profesionalnan.  E no a wordo dirigi door di ningun hende di e Oficina di ex-Ministro.

   Tur hende por corda e resultado di e Destaho Publico, esta cu no tabatin ningun oferta valido cu a wordo entrega, y pesey ningun Incinerator hamas a wordo cumpra, pues nunca lo no por tabatin ningun pago cu a tuma lugar, como cu e aparato no a ser cumpra.

   Mas leu, a haci denuncia comosifuera kier ‘a pusha esaki’ den Parlamento y cu no kier a cambia e decision aki.  Pero tur hende sa cu den Parlamento, e Ministro mes a divulga e resultado di Destaho Publico, y cu lo no sigui pone den e ley e aspecto di Incinerator, y asina oficialmente Parlamento a wordo notifica, y nunca a forza pa e Incinerator continua toch.  Tur esaki ta den grabacion y notulen di Staten.

   “Totalmente incorecto y falso, no tin ningun Incinerator cu a wordo cumpra pa 300 miyon Florin, y ningun pago di comision di 20 miyon,” Otmar Oduber a indica.

   DOW SI TIN UN INCINERATOR:

   Oduber a splica si cu den pasado, un otro ex-politico a bay busca informacion di e Incinerator chikito di DOW cu a wordo busca pa kima sludge (sushi humano) for di riolering cu tabata yega planta di Waterzuiveringsinstalatie.

   DOW si tin un Incinerator chikito cu a wordo cumpra door di nan cu nan mesun fondo, pa por kima tur ‘sludge’.  E machine ta funciona, y DOW a firma cu e ta trahando pero pa cierto motibo ainda e no ta den funcion. 

   Esun di DOW a wordo busca, pasobra antes e ‘sludge’ cu ta tur cos cu ta sali for di rioolering y tabata yega na e instalacion di RWZI, tabata wordo kima abiertamente den un container, y e ‘particulanan’ ta bay halto y e bario eybanda tin di inhala esey.  A cambi’e cu e proceso mas moderno di Incinerator chikito cu ta filtra e sushi.  E condicion number uno pa e uso di e Incinerator chikito tabata cu mester tin un mecanismo di control pa loke ta sali como gas di e kimamento aki for di e Incinerator chikito.

- Advertisement -

DUNA COMENTARIO

Please enter your comment!
Please enter your name here