Home General Habitante ta culpa mal calidad di Bela cu por poco su cas...

Habitante ta culpa mal calidad di Bela cu por poco su cas a kima

370
0
SHARE
- Advertisement -

ORANJESTAD (AAN): E ta algo simple pa describi!  Debi na negligencia di e compania di bela, un habitante por poco a perde su cas na Tanki Flip.

   Ta asina cu na diferente oportunidad, ora cu un candela origina mesora e pregunta ta si tabata tin bela cendi y esey ta motibo cu hopi ta esnan a perde nan vivienda.

   Den e caso aki, un persona kende cu normalmente ta pone un bela cendi pa su altar, caminda diariamente e ta haci su oracion pa pidi Dios Todopoderoso cuid’e y su famia, a bin descubri cu por poco e lo por a perde su cas.

   Esey ta debi cu e bela den e glas aki, e mecha no tabata den ‘dead-center’ di e bela.  Pues e mecha a bay di banda den e parrafin-wax, y e vlam chikito a keinta e glas te cu esaki a kibra.  Si acaso e habitante no a nota esaki na tempo, e bela lo a expande y kima henter su cas.

   Den pasado, DIARIO a yega di haya demostracion na un fabrica local di bela, unda e supervisor a splica cu den tur e produccion di bela, lo mas importante ta pa e mecha ta semper poni net mey-mey di e botter.  Esaki ta esencial ora di produci un bela den botter.  Y si acaso algo a bay malo ora di pone parrafin-wax (candle-wax) y e mecha bay di banda, nan tin di djis benta full esey afo y start di nobo.

    Pa colmo e Bela di e habitante na Tanki Flip, ta un produccion local y aunke hopi biaha nos kier apoya e mercado local, cu e situacion aki e ta ponebo pensa si acaso tabatin berdadero quality control ora di fabrica e bela.  E por ser hasta considera un acto di mal observacion.

   E habitante a keda cu susto, y el a splica fotografo di DIARIO cu el a haya miedo di bolbe cumpra bela local pasobra el a pasa awor den e experiencia cu nan por pone su mesun bida y di su famia na peliger.

 

- Advertisement -

DUNA COMENTARIO

Please enter your comment!
Please enter your name here