Home Gobierno Gobierno ta keda alerta pasobra e crisis di Covid-19 no a caba...

Gobierno ta keda alerta pasobra e crisis di Covid-19 no a caba ainda

242
0
SHARE
- Advertisement -

Prome Minister Evelyn Wever-Croes contento cu a yega na cero caso:

ORANJESTAD (AAN):  Prome Minister Evelyn Wever-Croes a expresa su alegria relaciona cu e echo cu a ultimo pashent di Covid-19 a sali for di e Unidad di Cuido Intensivo y e ta recuperando.

El a indica cu Aruba a ‘crush the curve’. Dia 13 di Maart a cuminsa mira e cantidad di casonan cu a aumenta basta lihe y den tres siman Aruba a yega su piek cu tabata na 71 caso di Covid-19.

Despues di e tres simannan ey e casonan a cuminsa bira menos y mas hende tabata recupera, e mandatario a splica.

El a sigui bisa cu a mira cu e cantidad di casonan a baha y yega te na cero y esaki ta un momento hopi grandi.

Ainda tin 161 persona den cuarentena y esey ta algo cu ta keda den alerta y ta keda un preocupacion. Pesey el a haci un apelacion fuerte riba cada un di e 161 personanan aki pa atende nan mes na e reglanan di cuarentena. No solamente pasobra e ta den ley, of pasobra bo ta haya boet, pero pa bo mes y pasobra bo ta stima bo famia y bo pais.  

E mandatario a gradici tur esnan cu a coopera durante di e crisis aki. El a menciona specialmente e frontliners, crisis team y comunidad henter. Tambe el a corda riba esnan cu a fayece den e periodo aki.

“Di akinan un danki di curason pa henter e comunidad di Aruba cu a mustra disciplina, comprension y a demostra cu ora nos para hunto, nos ta logra cosnan grandi pa nos pais”, Wever-Croes a expresa.

  

- Advertisement -

DUNA COMENTARIO

Please enter your comment!
Please enter your name here