Home Gobierno Gobierno directamente splicando pueblo riba e efectonan financiero cu lo bay enfrenta

Gobierno directamente splicando pueblo riba e efectonan financiero cu lo bay enfrenta

298
0
SHARE
- Advertisement -

ORANJESTAD (AAN): Diahuebs mainta, Ministro mr. Xiomara Maduro a elabora riba e update di e sosten financiero.

   Manera ta conoci, Diaranson a trata e asunto aki den Parlamento y brinda informacion di estado financiero di Aruba, y prome Ministro tambe a elabora riba e asunto economico y con ta reactiva economia di e isla.

   Gobierno a traha pa brinda e alivio necesario den temporada di crisis, y esaki a bin den diferente forma.  A bin cu alivio fiscal, pero tambe pa yuda esnan cu a perde trabao, cu ta e fondo FASE cu a duna 950 Florin.  Tambe a traha un programa pa yuda companianan chikito y mediano cu tin menos cu 50 trahador, y tabata necesario como cu mas di 90% di comercio na Aruba ta consisti di compania chikito y mediano.  Nan a haya yudanza di 4.000 Florin pa cuartal.  Tambe a bin cu e programa di subsidio di salario, unda Gobierno ta yuda cubri maximo 60% di e gastonan pa salario di trahador, pa asina tene e cuponan di trabao, y cu e hendenan aki ricibi entrada.

   Ta un grupo grandi a wordo afecta na Aruba, esta cu ta 37.000 cupo di trabao a wordo afecta.  Na Aruba e grupo di trahador ta 50.000 persona.

   E alivio na pueblo no tabata facil, pasobra mester a busca e fondonan riba tereno internacional, pero net ora cu e crisis a yega, e isla a haye obliga di pidi yudanza di Reino Hulandes.

   E fondonan di Hulanda a yega, pero esaki a wordo haci cu condicionnan cu Den Haag a stipula, cu e.o. reduccion di gasto di personal, di servicio y producto, gasto pa fundacionnan, y tur esaki mester a hiba na un reduccion di 90 miyon Florin.

   E mensahe di Reino Hulandes manda pa  tur isla den Caribe ta cu nan ta haya yudanza, pero e isla di su banda tambe mester yuda su mes!

   Asina Aruba a cuminza pro-activamente pa reduci gasto, pero cada rato tabata haya condicionnan nobo cu ta drenta pa cada prestamo nobo.  Aruba a trata pa purba cumpli cu nan, y e ta necesario.  Pasobra e momentonan aki Aruba no tin otro caminda pa yega na e fondonan pa presta asistencia.

   Ministro Maduro a tene e conferencia pa duna pueblo un bista con e entrada ta cay atras pa pais Aruba, y tambe cuanto ta e asistencia cu a wordo duna, y tambe informacion a base di e cifranan compila pa Oficina Central di Estadistica, pa asina por mira loke ta e urgencia, y cuanto hende y cas ta wordo afecta si acaso Gobierno no a haci nada ni a haya e fondonan necesario.

   Di e forma ey, pueblo por mira esaki den cifra y asina realiza con grandi e efecto ta riba comunidad.  Pasobra te cu awor, e trabao diligente cu Gobierno a haci hunto cu e disciplina di pueblo pa evita cu tin fatalidadnan grandi door di e crisis aki y evita di bira malo, a yuda e isla bon.  Pero esaki no ta kita afo, cu e efectonan financiero economico lo bin.

   Meta ta pa trece esaki pa pueblo mira kico ta e gravedad di e situacion cu ta warda e isla, y pakico mester di unidad, pakico Gobierno mester a tuma cierto decisionnan, pasobra nan ta mira loke ta e impacto riba pueblo.

 

- Advertisement -

DUNA COMENTARIO

Please enter your comment!
Please enter your name here