Home General Full un oficina di Serlimar ta worde destrui y placa benta afo

Full un oficina di Serlimar ta worde destrui y placa benta afo

252
0
SHARE
- Advertisement -

ORANJESTAD (AAN): Ultimo simannan, hopi hende cu ta bay pa haci pago di nan servicio di recoge sushi di Serlimar, a haya sorpresa cu e sucursal na Tanki Flip no ta funciona mas.

   Awor ta manda tur hende pa bay sea Pos Chikito of tambe e di dos piso di MFA Noord pa haci pago.

   Loke ta lamentable ta e hecho cu Serlimar a paga asina hopi placa pa huur un espacio den e Shopping Center na Tanki Flip, gasta basta placa pa schot e oficinanan eyden, y haci esey un sucursal agradable, y awor tur esaki tin di wordo destrui.

   Riba e potret aki por mira momento cu ta kibrando full e oficina di Serlimar na Tanki Flip.  Tur e material aki no ta sirbi mas, placa gasta pornada, y awor tin di bay benta nan na dump.

   A compronde cu tin hopi hende cu ta biba den area di Ponton, Tanki Leendert, y Paradera cu a keda nada contento cu e sucursal aki ta wordo elimina.  Pa colmo hopi cas den e distritonan aki ainda no a ni haya baki nobo di sushi.

   E trabao di destrui e oficina a wordo haci, debi cu e propietario a exigi pa haya su espacio bek manera e tabata originalmente.

 

- Advertisement -

DUNA COMENTARIO

Please enter your comment!
Please enter your name here