Home Policial For di 2 diferente cas ladron a horta baki di sushi di...

For di 2 diferente cas ladron a horta baki di sushi di Serlimar

479
0
SHARE
- Advertisement -

ORANJESTAD (AAN): Nan nomber oficial ta ‘toter’, pero hopi hende keto bay ta yama nan baki di sushi, y gran parti di poblacion ta sigui yama nan bari di sushi.

   Pero ta parce cu ladron no por mira nan cu wowo!  Pasobra riba Diabierna, ladron a pasa man cu dos baki di sushi di diferente cas, den area di San Nicolas.

   PROME CASO:

   Un unidad di Polis di San Nicolas a wordo dirigi Diabierna merdia pa 12:20 pm na un adres na Dormanstraat pa check un caso di ladronicia.

   Ora cu Polis a yega, nan a papia cu e señora di inicial B.

   E dama aki a declara, cu ladron a pasa horta su baki di sushi di Serlimar, riba Diahuebs atardi entre 5:00 pm y 6:00 pm.

   El a bisa Polis, cu e Toter di Serlimar aki tabata poni dilanti nan cas, na e parti banda panort.  Polis a tuma denuncia di e caso aki.

   DI DOS CASO:

   Patruya di polis encarga cu distrito San Nicolas  a worde dirigi diabierna merdia despues di 2’or  na un cas situa den area di Rooi Congo relaciona cu ladronicia.

   Na yegada di Polis, nan a nota cu e adres ta Weg Rooi Congo.  Aki Polis a atende e señora di inicial L y el a declara cu desconocinan a horta e baki sushi di Serlimar. El a sigui declara cu e dia prome esta Diahuebs banda di 6:30 pm, ainda e Toter di Serlimar tabata riba nan tereno, y e tabata bashi.  E palabra “Serlimar” ta imprimi mas dilanti.

   Pero Diabierna banda di 12’or, su cas a bin nota cu e Toter no tey mas riba nan tereno.  Polis a tuma keho di ladronicia.

- Advertisement -

DUNA COMENTARIO

Please enter your comment!
Please enter your name here