Home General Florida a perde 10.7% di bishitante debi na Coronavirus

Florida a perde 10.7% di bishitante debi na Coronavirus

50
0
SHARE
- Advertisement -

ORANJESTAD (AAN): E cantidad di hende cu a bishita Florida den e prome trimester di e aña aki tabata 10.7% menos cu e mesun periodo di 2019, y esaki debi na e pandemia di Covid-19, segun cifranan provisional di e organizacion di turismo di estado.

   For di Januari te cu Maart, Florida a haya como 31.95 miyon persona, cu ta hopi abao compara cu e 35.79 miyon cu tabatin den e prome trimester di 2019.

   E cantidad di pasahero cu a yega via avion na e 19 Aeropuertonan di Florida den e prome trimester a cay cu 11.6% compara cu e mesun periodo di 2019, y tabatin un caida di 13.2% di reservacion di camber di Hotel.

   E turistanan cu a yega na Orlando International Airport na e ciudad mas turistico di Florida y henter Merca, tabata 5.7 miyon, cu ta 10.8% menos.  Esnan cu a yega na Miami International Airport tabata 5.2 miyon, cu ta 13.1% menos.

   Di e total di bishitante, 28.5 miyon a bin di otro parti di Merca, cu ta 9.7% menos cu esun di e mesun trimester di 2019.  Como 1.22 miyon a bin for di Canada (caida di 14.4%), y 2.18 miyon for di resto di mundo (caida di 20.6%).

   VisitFlorida a mustra cu nan ta spera cu e cifranan di e di dos trimester lo bay ta aun peor cu esnan di e prome, pues April y Mei tabata casi nulo desde e punto di bista di turismo, mientras cu Januari y Februari tabata normal, y e impacto di Covid-19 a cuminza worde sinti na luna di Maart.

   Tabata dia 1 di Maart cu a registra e prome caso di Covid-19 na Florida, y ya caba pa dia 20 di Maart, a paraliza tur actividad di turismo, aunke e orden di Shelter-in-Place pa henter e estado a drenta na vigor dia 1 di April 2020.

   Te cu e siman aki, Florida tin 56.9830 caso positivo di Covid-19, y riba di 2.500 morto debi na e malesa, y henter e estado ta den Fase 1 di reapertua economico, aunke e sector hotelero ta full atrasa compara cu e otronan.

   A؜ña 2019 tabata e di nuebe aña di crecimento di turista na Florida.  Nan a haya un cifra record di 131.4 miyon turista.

 

- Advertisement -

DUNA COMENTARIO

Please enter your comment!
Please enter your name here